قُليب أبو سعدى مولع وهاوي
25 مايو 2019م موجهة من الشاعر الى صديقه الكاتب والناشر عبد الرحمن
محمد البخيتي يحثه فيها على الزواج من الثانية وهي نصيحة من الشاعر يحب من خلالها
المشاغبة واثارة المشاكل وقد نجح في كسب حقد وغضب بعض النسوان بسبب قصيدته هذه..
............
قُليب أبو سعدى مولع وهاوي
حُب الحدا سمسم قُليبه هواها
قيله على (الملحاء) مِعزّم وناوي
الله يسهل نيته ذي نواها
أسعد مسا صاحب كبير الهقاوي
حامي حمى الجودات حامل لواها
من دلة الناموس صب القهاوي
الروح عطشى والبخيتي رواها
فنجان يرفع راس شاعر هواوي
قُبيل تفرغ جعبته محتواها
كُرمت يا مِروي ضما ذيب عاوي
سمعت باذني عويته ذي عواها
ذيب الغلس كم جهد جلده مكاوي
عاد المكاوي مِعلِمه ذي كواها
لكل عله قال الاول مداوي
الا المحبه ما لقينا دواها
لولا الغواني ما (احمر العين) غاوي
ولا رواية (ص) قيله رواها
ما همني هي صدق ولا حكاوي
يهمني منذي ذراعه لواها
والله لو قلبه من الحب خاوي
ما اخفى شغف نفسه وبيّن غواها
أحتار بين اكبادها والكلاوي
لا برّد السوداء ولا هو شواها
نصيحتي لك يا مهندس وراوي
لا النفس خضراء والغرام احتواها
قل للحكومه بالكتاب السماوي
الله حللها وحلل سواها
الشرط تعدل بينهن بالتساوي
وركبتك ربي يقوي قواها
وان انت خايف تخمعك بالهراوي
خالف هوى فتاح واتبع هواها
وافعل لقلبك قيد لاوي بلاوي
وصفحة العشقه رحم ذي طواها
وصاحبك ذي من وراه البلاوي
قله حباله باليه ذي لواها
لا هو بطل طابن وشد الخطاوي
ولا برك لا ماش من مستواها
.............
الملحاء
= قرية عبد الرحمن البخيتي
احمر
العين = قصة للكاتب عبد الرحمن البخيتي
رواية
(ص) = قصة للكاتب عبد الرحمن البخيتي
){kind=link}