مساك بالخير بعد الغيبه ايش اسويت
2019م بدع...مرسله إلى.... الشاعر أبو ذيب الرقيمي مزروع
................
مساك بالخير بعد الغيبه ايش اسويت
ابو وثيقه مناضر ما معك هاته
لاشي عسل دوعني من عندكم بزيت
وعطر مخصوص بزه له بلفاته
مني هديه ولاشي قاصره وفيت
يستأهل الذيب ذي شامخ ببصماته
رجال معروف ونعم بالخوي خاويت
بز الوفاء عادته هذه حكاياته
ابن الرقيمي ولا غيره بشر خصيت
هو صاحبي دايما جالس بعاداته
مش بعض الاصحاب ذي لا صاحب انخميت
ولا اقتدا دايما تجيك لفاته
ونه من الوقت مثلي يا علي جريت
اصبر على الوقت واتعين قرارته
قد ضنّك المغترب لا انته ضنك قويت
واركب على جيب واتفقد مراياته
.................
قصيدة الشاعر / أبو ذيب
الرقيمي مزروع
جواب على قصيدة الشاعر عبد العزيز الزوري أبو عبد الرحمن.
...........
ارحب ترليون يامن للحروف أهديت
مرحب على الراس في وقته وفي ذاته
وعادتي لا وصل ضيف النقى حييت
واحف والف واتسلى مع أوقاته
وابو وثيقه صديقي طول ما اتخليت
ولا تخلى بصولاته وجولاته
اعتز به وافتخر في غربتي والبيت
كفوء الرجوله وفيها كامل اثباته
ما هو مثل من يشب النار وافعل زيت
والا يباهي بهداته ومداته
بعض البشر با يجامل لك على ما اشتيت
ومن ورى ينسج افكاره ولياته
ومن ضحك لك بسنه ذاك قلبه ميت
خلك حذر وانتبه طوفان موجاته
ما صاحب الا يلم الجرح لا ونيت
المعرفه منبعه والصدق منجاته
ما فى العوافي فماله صنع لا اتعافيت
ما ينفعك لو حشد لك كل قواته
ياليت والوقت الاول يرتجع يا ليت
نعيش في طيته ونجمع اشتاته
واما من البعد والغربه قد اشتديت
الشخص يصبر عليها كيفما جاته
ما عاد يطري على بالي متى قفيت
ومرمر الأمر مجنون ذبح شاته
كفيت يا ابو وثيقه فى الخبر واوفيت
ومارد الشعر حقك وازن ابياته
............
زودنا
بالقصيدتين الشاعر أبو ذيب الرقيمي مزروع
0 تعليقات