يا اهل الطيال السود سته سبعه
29 أغسطس 2019م من قبائل خولان بعد ان تم تصفية واهانة الأسير البورعي
من قبل قوات الانفصاليين.
............
يا اهل الطيال السود سته سبعه
خولان يا السم النقيع القاطع
جبري وضبياني رجال الفزعه
ومن بني شداد كم من شاجع
وكذا بني بهلول قوم الرفعه
وبني سحام اهل المقام الرافع
واهل اليمانيه قبايل سمعه
في العزله السفلى وذي هم طالع
لي منع من عاده يرده منعه
لموا قواكم والغداء في يافع
كلين مجهوده وما في وسعه
الصبر بعد العيب ماهو نافع
الناصري نادى وطالب ربعه
في ماجراء تحكيه ارض الواقع
من حادثه تهتز منها القلعه
ماشي لها تبرير والا دافع
العيب واضح والجريمه بشعه
حرام ما رحت لكم من ناتع
لو يحلفوا بالسبت والا الجمعه
وعلى كتاب الله وسط الجامع
او يصبحوا في الباب قطعه قطعه
ما حد مصدقهم وﻻ انا قانع
يامن بدع بالعيب يلقف بدعه
جوابنا اكبر من كلام البادع
ناخذ بثار الناصري في سرعه
ﻻحد يظن احمد بن احمد ضايع
بعده رجاله بايجوكم دفعه
ويدعسوكم ياعيال الشارع
في سلفنا العياب نكسر ضلعه
والمعتدي ياخذ جزاه الرادع
احنا لها بالذات ما احنا تبعه
بصماتنا في قعطبه والضالع
كنا نعك الحرب فيها قرعه
يوم البريطاني عليكم راصع
ﻻما تحررتوا بطرتوا شبعه
طالت يدك يا الخاسع ابن الخاسع
ﻻ نكفت خولان ماشي رجعه
في وقتها ماعد يفيدك شايع
والجعربي هو با يخف الزقعه
لا قد تلطم با يصابح طايع
ذا قول شاعر والنقاء من طبعه
من حال غلمه جيش حامي شاسع
صليت في ختم الكلام وبدعه
عليك يا مولى الجبين الناصع
..............
){kind=link}
1 تعليقات
صح لسان الشاعر وسلمت انامل الناشر
ردحذف