على وين يا مزيون بحي الاصبحي
13 أكتوبر 2019م.
...................
على وين يا مزيون بحي الاصبحي
قلبي جريح لا عاد تزيد شي له اجراحه
نوت عليا قلت لا لا تمزحي
انا تركت الحب وقلبي ضاع مفتاحه
يا بنت قول الحق لي ما تصلحي
ملامحك يا بنت من اهل الأُنس والراحه
ما انا مدير البنك حق الراجحي
ولا معي راس مال تعيشي فيه مرتاحه
العز بنكي والقناعه مرزحي
نصبر على المعروف لوما نجني ارباحه
قالت عرفتك ما انت انسان مصلحي
مالك صله بالغدر ولا انت شي من اشباحه
كلامك اعجبني وعقلي بك صحي
وقلبي سكن من بعد تعذيبه وشراحه
عيني بها فعلاً ولاكن مستحي
وانما ذا البنت دلوعه ومزاحه
كني بها في حلم والفكر سارحي
فاقد حواسي كن انا مشرف على ضاحه
لكنها فهمت وعرفت ملامحي.
قالت سوال وانت جاوبني بصحاحه
شي فرق ما بين الطري والبارحي
وحبة الليمون قارنها بتفاحه
قلت الطري ماهو كمثل البارحي
يكفيني الولعة واكيف ب فذاحه
يابنت في بحري حذاري تسبحي
ضحكت وقالت كيف وانا بنت سباحه
يا بنت كيف الحال لو تتسلحي
من واجهك مهزوم مهما قوة اسلاحه
يلعن ابوك يا الفقر ذي ما تستحي
كيف با يطير يا الفقر ذي قاصرت اجناحه
ذليتني لولاك ما انا ضابحي
كم من عزيزن ذل وانته قاتل افراحه
.............
0 تعليقات