قصيدة الشاعر / صبار علي قايد أبو هويده (أبو برهان)

قال صبار كف عيقع وما بش حبيب

.............

قال صبار كف عيقع وما بش حبيب

لا قرب فرشي ارقد لا ولا انا اقربه

لا قربت ارقد احسب نفسي اني غريب

ما دريت ايش يشتي قلبي ايش مطلبه

قال قلبي يحن اللوز هو الزبيب

والزبيب يشتي الماء حقهن يشربه

من فراقه حرمت النوم ذي هو رغيب

لن قلبي بدون الخل ما يرغبه

هو دواء القلب لا جاء شي فهولي طبيب

وان غيّب علی قلبي فيعذبه

بس لا قد ضربت الرقم حقه يجيب

دايما هو يجاوبني وانا اجاوبه

لو فرقني بلا معذر فربي حسيب

كان لا اعاتبه والله عيحاسبه

بس يا قلب ريّح لا تضله كئيب

دام والخل في الواتساب دي يراقبه

قال عيجي منقش بعد شهر الصعيب

ناقش الخد والكفين عيخضبه

مبعد الشهر لكن عند غيري قريب

ليت لوفي يدي والله لا اقربه

.............

زودنا بالقصيدة الشاعر عبد الاله الدغري