على القُطب الشمالي با نسري
6 نوفمبر 2019م.
..............
على القُطب الشمالي با نسري
وبا نسري على القُطب الشمالي
ومن يشتي يبكر نام بـدري
ومن يشتي العُلى سهر الليالي
فعرض الفاتنة لا زال مُغـري
ولكن طعمها حامض وحالي
وذي عنده شبح يحلم بجفري
ومولى السك يشتي نص آلي
لهذا ضيعـة حـقـي وعـُمـري
وقالت ياعـزيـزي لا تُــبالـي
ونفسي شبه مفتوحة وفكري
يقاومها وهي تغري خيالي
ولا قلت اقنعي يا نفس فقري
يحاصرني وما يرحم عيالي
ولا جيت اشتكي من ضيق صدري
وقلة حيلـتي قـلـة رجـالي
فيا ويلي ويا غبني وقهري
قليلة والثمن والسعر غالي
ألا ياليت بالأحوال تدري
ولا يبخل علي عمي وخالي
وأخي وابنه وإبن ابنه وصهري
بكلمة طيبة والقلب سالي
وياليت الزمن والعصر عصري
وجاه الاثرياء والمال مالي
لكي يتغيروا تغيير جذري
لان المصلحة فوق التعالي
..............
0 تعليقات