أبو سعدى بدون اجناح طاير
2 ديسمبر 2019م.
...............
أبو سعدى بدون اجناح طاير
بشير الخير جاني بالبشاره
حلمت اني ملك قصر البشاير
بوقت اغبر توليت الاماره
وبايعني عليها كل زاير
وحكام العرب جوني زياره
فعلنا قفل للدوله وداير
وشكلنا الحكومه والوزاره
حسبنا للفوايد والخساير
وجينا والوطن اكبر خساره
اخذنا ذي لنا بطن البصاير
من الغاصب وهدينا جداره
قطعنا روس حنشان الخباير
دفنا كل حنشي في خباره
ضربنا بالعصا ثور الحضاير
خزمنا نخرته في عقر داره
وبصرنا قليلين البصاير
وروينا الغبي كيف الشطاره
وشيدنا ملايين العماير
وقلنا كل واحد له عماره
وزوجنا العزب باربع حراير
وقررنا رواتب للطفاره
وبدلنا لذي بنشر تواير
وركبنا المواطن بالغماره
قصفنا الظلم واهله بالطواير
وشنينا عليهم الف غاره
عقدنا صلح ما بين العشاير
وغرمنا المخالف للاشاره
وسلحنا العساكر بالذخاير
ودربنا الجوارح والنماره
بنينا جيش يردع كل جاير
وفكينا وطنا من حصاره
وأدبنا عديمين الضماير
بعون الله بقينا بالصداره
جلدنا ظهر عاصينا بواير
وسقنا كل نازح لا دياره
وعبينا من الدخل الغراير
نصيب الفرد ذي عاطل غراره
وقسمنا الفطاير والعصاير
وقلنا عيش يا شعب الحضاره
توكلنا بعلام السراير
وصلينا صلاة الإستخاره
هدانا الله وعظمنا الشعاير
بفضله دار نجمي في مداره
بحكمتنا هدينا كل حاير
وزفلتنا شوارع كل حاره
ورقدنا القبايل بالسراير
وسرجنا غرفهم بالاناره
دعمنا السوق يوم السوق باير
وقوينا ضمار اهل التجاره
وعسكرنا على بوب الدواير
عساكر للوطن رهن الاشاره
نقزت الصبح وان الجرح غاير
وحلمي ما لقيت الا غباره
قرح قلبي ودمي دم فاير
من الباطل قرح عرق المراره
حلم غدرا مخالف للاشاير
حلمته قبلما اقيس الحراره
وجيت اني بزيت الفقر اعاير
محيرف ما معي حبه شقاره
وحكمي ذي حكمته حكم باير
وحلمي صح كذبه ياخساره
ولا حليت في قصر البشاير
ولا جاني بشيري بالبشاره
............
){kind=link}
0 تعليقات