قصيدة الشاعر / عبد الله عبده التام

أبو عبده وعيني نومها محقِد

بدع موجهة للشاعر وسام الشلوف

...............

أبو عبده وعيني نومها محقِد

عليها حيث مانا داري اش وِدّه

متى قلت ارقدي يا عين لش مرقِد

يفضّي في محاجرها السهر حقده

وما هو شي على شان إن انا مفقِد

برغم الضيق من شوقي بلغ حده

مع الليل النكِد عيني على موعِد

وسابلها لـ فُرقى النوم كم جهده

انا بختم لك المظروف يا الهدهد

لبو باسم وهـت في مزقرك رده

بزغ فجر القـوافي لا عدمتك شِد

على جنحك عتـابي وصّله يـّده

وهو مِن دون ما اقصد عارف أيش اقصِد

وردّه كيـف ما كـان المهم إِدّه

انا ما اطرح مزاحي عند مَحمل جِد

يشل الحق وإن الحق لي رَدّه

ولـو هو من عتـابي با يضيق إبرد

فضول اعرف سبب رجمي وما قصده

عليـم الله مـا عاتبـت لولا الــود

وهو يُحّمـر من صفـع الغـلاء خدّه

..................

قصيدة الشاعر / وسام صالح الشلوف

جواب على قصيدة الشاعر عبد الله عبده التام.

............

دقيقة لو سمحتي يا حروف ابجد

معي موضوع عاجل طالب النجده

هلُمي واستجمي قبل فجر الغد

وقبل العطر يبرد   في   ندى ورده

وقبل انه سحاب  الفكر يتلبد

وهاتي يا بنات أفكاري   الزبده

من المرجان  والياقوت  والعسجد

لعبدالله  وشكواه  الذي    كده

مغلف بالمحبه  والعتب والود

وتاك الحاجه اللي بيّحت سّده؟

أنا وضحت له صورة وش اللي جد؟

ورا   ما بانت   الصورة  وما عنده

مُصِر إني على ما  سيت  متعمد

وهو بالمعذرة  وده  ولا  وده

نكرر ما سبق ذكره ونتودد

عشان انقول عبدالله ومن قده؟

وأسيغ النص  له بالجمع والمفرد

وانزلها لكم  صورة  ومسوده

..............

زودنا بالقصيدتين الشاعر سيلان البشاري