قصيدة الشاعر / محمد علي الميثالي (أبو فايز)

يقول أبو فايز عبرت البحر سابقت اليخـــــوت

14 ديسمبر 2019م بعد احداث قرية المصاقرة المؤسفة.

..............

يقول أبو فايز عبرت البحر سابقت اليخـــــوت

وانسج حروف القافيه مثل الرصاص المحرقه

واصطدت من عمق البحار الزاخره ديرك وحوت

اشتي بهذا النقد نعمل بالبنــــــود المرفقـــــه

واعاتب الحديان هل ترجع كرامة من يمــوت

قد شكلهم نسيوا صفات المترسه والبندقــــه

سقى الله ايام الحدا كانت على داعي وصوت

يتهافتوا مثل النماره بالعزيمه والثقـــــــه

ضاع الوفا والعز والنخوه وحرقين  الكروت

بعد الشهامه والمروّه  والسبب في الحيذقه

ليش امتسح تاريخنا العملاق من كشف الثبوت

واصبح لنا تاريخ متقزّم سفـــــال العملقــــــه

يشهد لنا التاريخ والنقش الموضح في النحوت

كان الشموخ اللي نفاخــر به ولا حد يسبقه

وين الرجاجيل التي كانت صناديد الخبوت

لاقد دعى الداعي يلبّوا ما يخلّوا منطقــــــه

قد النسيج الاجتماعي مثــل بيت العنكبوت

ضعيف متهالك ولا قد شي شراره تحرقــــــه

من حين شفنا القصف وافزاع المكالف في البيوت

ضاعت كرامتنا وما عاد مننــــا الا البقبقـــــه

ليش التعامل بالحياديه لما هــــذا السكـــوت

و من صنع فجوه لإغراق السفينه تغـــرقــــه

ليش انفتح باب العساره للذي يشتي يفوت

ما عاد يتعب بعد ما احنا قد كسرنا المغلقه

قد الحدا مثل الكره من يدخل الملعب يشوت

لِن التخاذل والتـــهاون سببيـــــن التفرقـــــه

................