زامل الشاعر / ياسر علي محمد الصالحي (أبو عمار)

يا مساء الخير أقوله تحيه عبر الاقمار منقوله

في عرس آل أبو عريج.

............

يا مساء الخير أقوله تحيه عبر الاقمار منقوله

تعلنه كل دوله مباشر في القناة الفضائيه

للعليي سيوله وهو للعز رمزه ومسئوله

والكرم في فصوله منافس للبنوك التجاريه

................

حال الشاعر / ياسر علي محمد الصالحي (أبو عمار)

في عرس آل أبو عريج

.............

مني مساء بالخير حسب الرغبه

وحسب المزاج الحسي المتواجد

سلام يا روّاد هذه النخبه

سلام يلقي كل شامخ ساجد

سلام من شرق اليمن لا غربه

يخصكم يا اشبال واحد واحد

سلام حسب المعرفه والصحبه

دوّن سلامي  يا الكنترول الراصد

جبّه حريو السعد ذلحين جبّه

جبّه عبير المسك ذي هو وارد

من وسط لندن كي نرشرش ثوبه

يهناه ذي هو للجعودي فارد

انيت لعينه من حبيبه جنبه

يهناه صاحي كان ولا راقد

من مبسمه والفم يشرب شربه

كنه عسل صافي وطعمه نافد

وحنين من في العشق مغرم قلبه

في بحر لجي يا اصدقاء متباعد

يا كم تمّنى والحبييب في قربه

لكن اسف للخل عقله فاقد

مثلي ونفسي عايشي في خيبه

ما اظن به في الشعب مثلي واحد

يا ليل مهما طلت بعد الغبيه

لابد ما نقطع املنا لابد

قال الفتى البداع عندي حسبه

مضمونها مضمون حار وبارد

ذي هو مزوج اكيد له نسبه

في رقم خمسه بعد تسعين يارد

نبه على خولان يا خي نبه

نبه على مذحج بكيل وحاشد

وافتيك من بنت عذراء قالوا  اني قحبه

والناس تشهد والله اكبر شاهد

ما مثلها في الشعب سوّى نكبه

هزّت عروش الطاغيه والفاسد

منهاجها ذي قد حوى  للتوبه

والطور والصافات قل للحاسد

مثلي وغيري قد قدم للخطبه

من اجلها صامد امانه صامد

يامرهم القلب العليل يا طبه

دمي فداش وافدي ابوش القائد

يانسل من نسل الهدى من صلبه

خالد وفي التاريخ مجدك خالد

والبنت ذي من قبلها هي سبّه

وذي حبّها انسان مجرم حاقد

اربع بنات حبلت ومن غر لغبه

لا غير طاحت في تجارة كاسد

اربع بنات فيهن ارينا الزوبه

واسأل اكاديميز ولا ناقد

من دون ماشك دون إيت ريبه

ذي حبها  قلي لييشو شارد

............