معي يا فهد بن عسكر قصيده
22 يناير 2020م موجهة الى الشاعر فهد جعموم.
..............
معي يا فهد بن عسكر قصيده
وما شي دعم الحنها على العود
ولكن شلها جمله مفيده
قهرنا كل متغطرس ونمرود
معارك أمس في نهم المجيده
حصيلتها ثلاثه الف مفقود
شي اروينا بلادي من وريده
وشي في الأسر والباقي عشا الدود
ومرغنا أنوف أعداء العقيده
جهيماني ابوقبه وبارود
جزاء من خان ميثاق السعيده
يشوف البيض ويظن أنهن سود
ومن خالف حكومتنا الرشيده
يعيش الدهر متخوف ومبلود
حذاري لا تقع جرم المكيده
نفق هاني ذي انته فيه مسدود
وخلك يا فهد في الخط سيده
بحبل العز لا بالذل مشدود
فتشطير اليمن حاجه بعيده
ووحدتها مع الأيام ستسود
ولو شخبوط يعطيكم رصيده
على بندر عدن با اعود با اعود
ولاما عدت ما انا ابوهويده
ولا انا من بلاد العز والجود
عدن محبوبة القلب الوحيده
وصنعاء حبها في القلب موجود
............
قصيدة الشاعر / فهد
بن جعموم
جواب على قصيدة الشاعر علي احمد أبو هويده
.............
ابو نايف حساباتي عديده
وفي لي منها حاضر ومفقود
وحيا بالمقدم بو هويده
وصلني للأسف والوضع معصود
وقبل ادخل بمضمون القصيده
وببذل في حروف الشعر مجهود
لفت بالي على حاجه جديده
بواطل مسعده من عند مسعود
يقول انه ذماري من عبيده
وعطل خرمتي والقات مجرود
على كلن عربكم مستفيده
ومارب كلها سرقه ومردود
مع لإخوان مديت الكشيده
وعندي كل شي واضح ومرصود
جحدتم بالعوايد والعقيده
وكفرتم شرائع رب معبود
وعن ما قلت عن عوده حميده
مع من دام حزب الشر مطرود
وحربك ضد بن عمك مكيده
ونهم اللي بها شاهد ومشهود
علاقتكم مع صنعاء وطيده
للعب أدوار في تمثيل مقصود
فلا الحوثي تخلا عن حفيده
ولا محسن هجم لو يملك اسكود
كفايه ضحك عالناس البليده
تراني من عرب سيفا وعبود
جنوبي والعلم تعرف وقيده
ذبحنا منكم الفين مولود
وكم قتلا على خط الحديده
وانا بالعزم والتحرير مسنود
وتأخذ ثارهم يابو هويده
من المسجد وهم ركاع وسجود
..............
زودنا
بالقصيدتين الشاعر علي أبو هويده
.jpg)
0 تعليقات