نسأل الله تتحقـــــــق أمانينـــــــا
14 فبراير 2020م قال ابو فايز
العــــــزّه مرابينــــــا.
...............
نسأل الله تتحقـــــــق أمانينـــــــا
غافر الذنــب و الزلّات سبحانــــه
كافل الخلق بارزاقـــه و كافينــــا
يسقي الأرض لا قد شنّت امزانـه
لا تظنوا بأن اللـــــــه ناسينــــــــا
ما نقص من مكاييله ومخزانــــــه
نسأله كامل الصحــه يعافينــــــــا
هو مدبّر لخلقه جل في شانـــــــه
بعد يا هاجسي
جهّـــز قوافينــــا
حرف باروت من فوهات بركانـــه
قال ابو فايز العــــــزّه مرابينــــــا
والشهامات في المخزون مليانـــه
فوق ذروة سنام المجد اسامينــــا
مركز العز يشهد صرح بنيانــــــــه
نزرع الود ينبت فـــــي روابينـــــا
لجل نجني عناقيــده و رمّانــــــه
بالتواضع وصلنـــا لا معالينـــــــــا
فوق سطح الكواكب بات عنوانـه
نحو درب العلا سارت خطاوينــــا
بالتكاتف وضعنا الساس و اوثانـه
نبني المجد فــي قمّة رواسينـــــا
و الوفـا عندنــــا تتثبّت اركانـــــه
بحر الاجواد طوّرنا لــــه المينــــا
من يريد النبأ يسبح بشطئآنـــــــه
نقري الضيف صافي من سواقينـا
شهد جردان يذكرنا مدى ازمانـــه
من حجار البلق نرفع مبانينـــــــــا
قوة الســـاس متوثــــق ببنيانــــه
ما حدا في شهامتنــا يساوينــــــا
دارنا بالسخاء مرفـــوع عمدانــــــه
كم من الناس قد فكّر يجارينــــــا
لو صدَق في تدابيره و إيمانــــــه
و الشجاعه حليله في نوادينــــــا
كل ميدان يتفاخــــــر بفرسانـــــه
نربط العصبه الحمـــرا نواصينــــا
كل من با يبين وسط ميدانــــــــه
بلغوا كل من فكـــــر يعادينــــــــا
يدفع التكلفه من غالـــي اثمانــــه
لو يجي كله العالـــــم حوالينــــــا
ما خضعنا سوى للــــه سبحانـــــه
نحــو الاعداء تتصوّب مرامينـــــا
من لحق خطوة الشيطان واعوانه
با يلاقي علاجه فــي مشافينــــــا
بالمناديل نمسح دمعة احزانــــــه
او تجيه الإجابه من محاجينـــــــا
يسمع الصُـفر بالرشاش حنّانــــــه
يترك المهزله قصــــده يواسينــــا
من وصل عندنا تشتــد عيدانـــــه
من يخون الصحب يشتي يجازينا
بالجميل الــذي بــــــادر بنكرانـــه
من يصون الصحب مرحا يخاوينا
نبذل الروس مرخوصه على شانه
من يحاول بتفكيــــره يغاوينــــــا
لا يفكر فكوك العهــد مجنانـــــــه
يحتزم كل صاحب جـا ينادينــــــا
ننصره وقت ما يوصل مع اخوانه
من يجي بالحــــلا يلقى أيادينــــا
بالتصافــــح مددناهــن لقربانـــــه
ليش فك الصحب ما قد تصافينـا
ينتقض حبلنا من عقــدة الغانــــه
ليش هذا الحنق رافض يحاكينـــا
قلبه اصبح لحبس الحقد زنزانـــه
يستغل الظروف الحاصـله فينــــا
يطلق الشك من وسواس شيطانه
كلمة الصاحب الزينـــه تداوينـــــا
مش بفشره و فشخاره و عنّانــــه
بالتسامح و بالقربــــــه تلاقينـــــا
كل واحد فرش بالـــودّ ديوانـــــه
بالمواثيق كثّفنـــــــا مساعينـــــــا
و القَبِيْله بهذا بالعـــز مصطانـــــه
حضرة الجيد نرفع له كوافينــــــا
نطرحه تاج فوق الراس با اوزانـــه
..............
){kind=link}
0 تعليقات