قصيدة الشاعر/ صالح السلال مزروع (أبو همام)

يقول أبو همام في راسي نصايح شاملِه

31 مارس 2020م.

..............

يقول أبو همام في راسي نصايح شاملِه

وهاجسي لا قد حضر يطرح على الحرف النُقط

عشرين نُبذه في سطور ابياتي المتكاملِه

لوما نباها زين ما حبري على اوراقي شخط

غرفتها من بحر زاخر موجته متقابلِه

ما يندره سباح حتى لو خبط كمّا خبط

يا مستمع ترجم حروف اقوالي المتواصلِه

وبصمتك تعزيز روح المعنويه والنشط

مش عيب لا تابعته اشوار الرجال العاقلِه

العيب لا انته ما تريد الا على رايك فقط

مش عيب لا رحته مع الغمران بعد القافلِه

العيب كلّه لا مشيته خط والباقين خط

مش عيب لا واجهته اصحابك بكلمه عادلِه

العيب لا ودّك تفلتهم وراسك فالوسط

مش عيب لا سوّيت للمعروف نقطه فاصلِه

العيب لا خلّيته الباطل مع الحق اختلط

مش عيب لا سرته ولا جيته مع اهل الطايلِه

العيب لا خاصمته الوافين واصحبت السقط

مش عيب لا جيته مجاليس الأسود الباسلِه

العيب لا جالسته اولاد الحصيني والقطط

مش عيب لا وقّفت في وجه الوجيه الخاملِه

العيب لا عاونته المخطي على فعِل الغلط

مش عيب لا اخطيته وزليته ونفسك زاعلِه

العيب لا عاودته الغلطه على نفس النمط

مش عيب لا عبته رفيقك فالأمور الباطلِه

العيب كل العيب لا بعته رفيقك بالزلط

مش عيب لا وجّهت صدرك للسهام القاتلِه

العيب لا ساعدته الغدار في رسم الخطط

مش عيب لا اسويت الجمايل فرض والا نافلِه

العيب لا خلّيت راسك بعد مااتعلّى هبط

مش عيب لا اقبلته على الجوده بخطوه عاجلِه

العيب في من واجه الجوده وقفّا وامترط

مش عيب لا اتقبيلت في جُملة قضايا حاصلِه

العيب لا خلّيت مشّ القبيله منك نخط

مش عيب لا ذمّيت الاحياء فالأمور الفاشلِه

العيب لا ذمّيته المدفون ذي تحت القفط

مش عيب لاحد كلّمك تقول نفسى قافلِه

العيب في منطق لسانك لا كذب والا خرط

مش عيب لا عاملت من حولك بصوره فاضلِه

العيب في عيب التعامل بالقساوه والسخط

مش عيب لا نفسك وروحك للتواضع قابلِه

العيب في رجّال فاتر لا كُثر ماله زنط

مش عيب لا انفقته على نفسك مبالغ طايلِه

العيب في من كدّس امواله لغيره فالشنط

مش عيب لا واسيت خصمك في مصيبه نازلِه

العيب حن تعلم بها وارتاح قلب وانبسط

مش عيب لا ابرزته على نفسك بدعوى كاملِه

العيب لا ما شل ظهرك بالوفاء حِمله وحط

..............