يقول ابوليث يا عازم بني قطران
بدع في تاريخ 8 مايو 2020م موجهة الى الشاعر محمد القطراني
................
يقول ابوليث يا عازم بني قطران
هزور محمد بدقنه وابقصه باذنه
قله امير الغواني دمعها شنان
تشكي من البين ولا تشتكي منه
ثلاث لا امس والمذكور في جيزان
في عزبته نوم واهله يسالو عنه
لا ارسل بلوزه لمحبوبه ولا فستان
ولا ذكرها بحاجه تكسر السهنه
والله لو خافقه جلمود ياقد لان
وذاب بين الضلوع العوج كالدهنه
حميه حمى رضي بالصد والهجران
وفلت الزين ياحمّى على دقنه
مش هكذا يفعل الخلان بالخلان
ياذي بجده نسيت الفرض والسنه
كم شخص مثلك مهاجر خارج الاوطان
لكن ماغابو اهل البيت من ذهنه
عزت عليك الحدا ياشاعر الحديان
خيبت ظن المولع فيك لك طعنه
الله يلهم ذويك الصبر والسلوان
دخلته النار وانته كنت بالجنه
................
زامل
الشاعر/ محمد القطراني
جواب على زامل الشاعر أبو ليث عبد
الفتاح الزبيدي
...............
ياليلة الجن ليتم يخطفوه الآن
او ليت والله من نتف شعر دقنه
بو ليث ذي يستفز الشاعر الولهان
على بعادي لذي مافن ساع فنه
مواجع الدهر زادتني حزن واشجان
بحدّة السيف في وجهي شهر سنه
والشوق في القلب ناره طلعت دخان
من فرقة الزين ذي ماشخص في حسنه
رفعت يدي شكوة الواحد الرحمن
يصلح لي الحال مولى الفضل والمنه
وانسى الوجع والتقي بالغاني الفتان
ذي بعده النار والجنه وسط حضنه
واليوم ابو ليث يضحك حين حظه زان
يضحك على بخت غيره ياعرب كنه
نسي زمان الوجع والقهر والحرمان
يوم كان في الثانيه يطلق مية ونه
ماحد جنن ساع جنانك في غصين البان
كلا ولا شخص مثلك هام ما اضنه
والزين يدعي عليك الواحد المنان
لا سامحه في غيابه لارضي عنه
...............
زودنا
بالقصيدتين الشاعر أبو ليث الزبيدي
){kind=link}
0 تعليقات