ابوليث قال اليوم له قلب مفتهن
1 يونيو 2020م تشرفنا بحضور
زفاف الحراوى مقبل ووديع ووسام اولاد الشيخ حسان الزُبيدي وكان للشعر حضور مميز
وكان لي من ذلك نصيب حيث القيت باله وثلاث قصايد هذا القصيده إحداهن وسلامتكم
وسلامة من قال
.............
ابوليث قال اليوم له قلب مفتهن
وقد له سنه واكثر يدور لفهنته
ومابش على ابونشميه لوم لا جنن
بذنب الهواجس دخل النار جنته
يخزن ويجس لا يزنزن ولا يمن
ولا قام تتشرف قبايل بقومته
بوارق رعوده قاصفه بالسما تحن
سيوله تلاحق غطت القاع واروته
وشلت جبل شوحاط من خاو لا تنن
وبزت تنن لا عباصر وردته
من اقوام خلت عين عدوانها تشن
سهوم المنايا لا دعا الموت لبته
عيال الزُبيدي خنجر الليث لا طعن
رصاص المقلم ذي طرحهن بشكته
سلامي لهم مدبول بالعرف مقترن
مع عود هندي خام عادو بطبعته
مختم وصلني امس مشحون من شحن
على ظهر ذي لا حن تكفيك حنته
لحسان واهل الحي كمن ذكي فطن
جهاديم ماور درع صدري وجعبته
شوامخ عليها يركن الليث لا ركن
وفيهم يشد الظهر لا قال كلمته
وللضيف ذي ظنه على خير مانظن
من العود الازرق له نصيبه وقسمته
ومنعي لكم خلا جبل ماس يطّحن
من ايدي تشلو لايد الضيف سهمته
ولاجل الحراوى سلوة القلب لا حزن
فتى القوم عبر عن سروره وفرحته
جباهم عطور الخام ذي شلت السفن
اصاله عن الحاضر نيابه عن اخوته
لكم ياسلاح الكتف لا الوضع معتجن
وياعصب راسي لا عصبته بعصبته
لكلين عقد الفل واربعمية شلن
ومشقر عمامه نطرحه فوق عمته
وبندق على ارقامه من النوع إف إن
وشنطه مقلم تطّرح وسط شنطته
جبا من فتى للعرف والمعرفه يكن
ذهب حميري مانقص الوقت قيمته
لكم يانوايف من تنجا بها إمن
ومن جا يعارضها يلاقي منيته
...............
قصيدة
الشاعر/ عبد الفتاح ناصر الزُبيدي (أبو ليث)
احدى القصايد التي القيتها بديوان
الشيخ حسان بن ثابت الزُبيدي بمناسبة زفاف ابنائه الثلاثه ودمتم ودام عزكم
..............
ابوليث طاب الليله الشعر والسمر
بقيفان مرشوشه عسل نوب دوعني
انا ابوش ياسعدى حروفي كما الدرر
ولي هاجس اعصر لا دعيته يلبني
ولي حكم يابس يرفع الراس لا صدر
وقولي يشرفني ورجلي تعزني
بديوان حسان المشرف لمن حضر
من الشهد ياحسان قم صب واسقني
فتحنا لكم ياذي لكم في الحشا مقر
مصاريع شعري ذي حروفه تهمني
كما انتو صميم القلب والعين والبصر
ولولا غلاكم ياقد الله بزني
وياقصري العامر وياداري الحجر
وياحصني المبني وياحرفي الجني
وياعز من روحي ويااغلا من النظر
وياحيد شامخ شد ظهري وشدني
لكم يحجر الفتان ذي لابس المصر
ذي الريق حقه ما معقم ومعدني
لكم تعشر الهوزر هزر جر فوق جر
ذي الصوت حقه مز راسي ومزني
ولولا عرسكم ماظهر مننا خبر
ولا هاجسي شل القصيد المثمني
بكم نفتخر ياعز واغلا من افتخر
وفيكم كفوفي تلطم الهين الدني
كما انتو لي المعبر متى حلق الخطر
بكم نرتزح ياحيد ملاس بلسني
سلامي عليكم مالما واعقب المطر
وماسال سيله وارتوت ارض موطني
وفي عرسكم نسمر على نغمة الوتر
ونرقص لكم لحجي على لحن شنشني
ثلاثه حراوى مثلما طلعة القمر
بياسين احجبهم وبالواحد الغني
لهم يحجر المملوح ذي لاجلهم حجر
وبالصوت زغرد من جبا قصر مبتني
لكم ياعيال العم حركت ابوكفر
وفي الليل الاظلم جيت عاني ومعتني
اشارك وابارك في عرس بري العقر
وضبر البلق ذي فوقه اسست مسكني
ومدماكي المنقوش ذي فوقه اعتمر
جدار النقا والحصن ذي فيه احصني
ولك قدر ياحسان مثني على البشر
وقلبي يودك مثلما انته تودني
ومثلك يجمل ساعة الصدق مافتر
ومثلي يرد الجمل لا الله مدني
رفعنا لك البيضا ولا بدعنا قصر
فرسل جوابك يابن عمي ووفني
ومثلي من استعذر متى مثلك اعتذر
وشرع النقا بيني وبينك مبيني
وفي ختمها صلو على النور ذي ظهر
محمد وآله ذي لهم شوق هزني
...........
قصيدة
الشاعر/ عبد الفتاح ناصر الزُبيدي (أبو ليث)
احدى القصايد التي القيتها بديوان
الشيخ حسان بن ثابت الزُبيدي بمناسبة زفاف ابنائه الثلاثه ودمتم ودام عزكم
..............
سلامي لكم مدبول ماراوحه سكب
متى حلقت وامست سحابه مركبه
وما سال سيله في المواجل وفي الجرب
ومخضر يابس وارتوت كل مجدبه
سلام الوفا والحب من قلب قد احب
لكم يا حروف الحضرميه المذهبه
بكم نحتزب يامحزم الجيد لا احتزب
وفيكم نفاخر يالرجال المشنبه
كما انتو سلاحي لا قد الجيتري ضرب
وشكة حزامي والرصاص المقببه
ونا من صقور الجو صيادت العقب
متى حن ابوقبه صقوري مدربه
على العز والناموس رباني الشنب
وللقبيله عندي عوايد مرتبه
على اسلافها ما غيرت معدن الذهب
سنينه ولا الوقت الردي قل منصبه
..............
بالة
الشاعر/ عبد الفتاح ناصر الزُبيدي (أبو ليث)
باله القيناها في ديوان الشيخ حسان
الزُبيدي بمناسبة زفاف اولاده مقبل ووديع ووسام ودمتم بكل خير
.............
سلام يادار مبني من حجار الحبش
سلام عادو مغطا بالغطا ما افتتش
باسمي ورسمي منقش عاش من له نقش
للشيخ حسان مخزان الذهب والبقش
حسان سم الحنش من حام حوله رهش
ذي لا وصل ضيف عنده سبل عينه فرش
قدم صحونه وصبصبهن عسلهن ورش
واصحابه اهل الكرم والجود كمن حنش
الفسل فيهم مثيل الصقر ذي له ريش
ذي عز نفسه وعشش فوق روس العشش
يقول ابوليث ياسواق طقم القرش
من فجة الضو حرك قبل ضو الغبش
صحن السبايا صبوحك عند سود القعش
جنب الثلاثه الحراوى ذي عرسهم دهش
عقل الزُبيدي وخلا كل عقل اندهش
سلم عليهم وسلم ماهجوسي ندش
وجبهم شهد اصلي من بلاد الحبش
صافي مصفى نقي مضمون من كل غش
زلال لا ذاقه العاطش يسير العطش
وجبهم من زبيب اعناب وادي برش
والجوز واللوز ذي من دون أية قرش
لكل واحد جباله مني اربع خيش
لك يازُبيدي تنقش ذي حزب وانتقش
يهناك ذي للجعود الراويه قد ندش
ذيلا خرج قرحو له يوم يخرج طمش
ولا دخل حجبوله من عيون الحوش
ذي ودع اهله وقالو سيري الله معش
جالش نصيبش وبختش واملكو له ولش
...............
){kind=link}
0 تعليقات