أعياني الوقت يابو ليث والحظ الاقشر
بدع موجه للشاعر عبد الفتاح الزُبيدي أبو ليث بتاريخ 19 يونيو 2020م
.............
أعياني الوقت يابو ليث والحظ الاقشر
واتكالبت فوقي اوجاع السنين المريره
وزيد فجأه صديقي دون دعوى تغير
يا غارة الله كيف الكبد منه ضريره
شوف الشكاوي لغير الله مذله ومنكر
وانا من النوع ذي ما يشتكي ضيم غيره
لكنني جيته اسئل وانت مثلي تخبر
ليش الخبير ساعة الشده يفلت خبيره
وليش وقت الرخاء نلقى المجاميع تكثر
وان حامة الحايمه تفنى الجموع الغفيره
انا من أصحاب هاذا الوقت يا ذاك مضطر
اتخير الناس ذي شرواك نخوه وغيره
بمثل الزبيدي ابو سعدى رجاجيل نفخر
الشاعر الجيد ذي ما اظن نلقى نضيره
يستاهل المدح وابيات القصيد المعطر
ذي لا تواضع كُبر وازداد رفعه وسيييره
هاذا وانا لسن ربعي بكل محفل ومحظر
ارسل لك ازكى سلامي مع التحايا الكثيره
............
قصيدة
الشاعر/ عبد الفتاح ناصر الزُبيدي (أبو ليث)
جواب على قصيدة الشاعر مشير البراري
...........
يامرحبا مافطر وازهر وماغ صنه اثمر
قفا قنيف المطر ذي تسمع اذنك خريره
بابيات مثل الدرر خلت هجوسي تنهجر
وذي يحب السهر تمسي عيونه سهيره
لب الحكا والخبر ماهو على ما تصور
كلين بالمختصر يشكي تقلب عشيره
بعض البشر يا نظر لا شل قرصه تغير
ومعوزه لا سبر ظن ان سته اميره
نسي وماعد ذكر يوم كان بالفقر الانقر
للجمل واهله نكر عميت عليه البصيره
والبعض قلة بصر وقت العوافي يعنتر
من يمسكه لا هدر ومن يطفي هديره
لاشي وليمه حظر حازب منعم معطر
قولو لشيخ الغفر يهناه قرص الفطيره
والبعض وقت الخطر يقبل بجفري ومعبر
منمره بالنمر والجنبيه في جفيره
مثل الذهب بالكمر مكنوز لليوم الاغبر
يحق له لا اتزر وقت المهام العسيره
البحر فيه الحجر وفيه لولو وجوهر
وانته تخير خير خيره عليك الف خيره
لا تصحب الا درر ذياب لا الليل غدر
مالك ومال الغجر واهل النفوس الحقيره
...............
زودنا بالقصيدتين الشاعر أبو ليث الزبيدي
.jpg)
0 تعليقات