رق وارحم لا كتبت القافيه
23 يونيو 2020م غزل
................
رق وارحم لا كتبت القافيه
يا مهلا وانتبه وضع الحروف
فالقوافي من بنانك شاكيه
خاف ربك كن مع الهاجس رؤوف
هل دريت ان الحروف الساميه
تسترق نظرات لعيانك تشوف
تنجذب نحوك بصوره خافيه
فوق خدك والثنايا كم تطوف
وان كتبته نصف جمله ثانيه
نصفها الثاني مولع بك شغوف
ينكتب حب( ن)معك في ثانيه
لجل حبك بس يازين الوصوف
والقلم بين البنان الحاليه
كم تنعم عند لمسات الكفوف
والصوافح في وصالك ساليه
كلماداعبتها دون الوقوف
هل دريت ان الصفات الحاليه
فيك توجد بس ياالريم الهنوف
نلتها بالفطره الربانيه
واستوى قلبي على كل الظروف
يعشقك .يهواك. محبه صافيه
وان قد اسمك سار عندي في الكشوف
مسكنك تحت الضلوع الحانيه
لا تخليني على حد السيوف
ودي ألفى الجنتين الدانيه
واقطف الرمان في وقت القطوف
ما بقى لي غير حبك باقيه
هام بك قلبي وانا صايم عطوف
...............
.jpg)
){kind=link}
0 تعليقات