قصيدة الشاعر/ نايف علي حُميد

قدر الرجل من همته وقيمته من صاحبه

حكم وامثال

..........

قدر الرجل من همته وقيمته من صاحبه

وحكمته في كلمته ومعدنه وقت السفر

ومنحته في محنته ونوبته في النايبه

وشيمته في مشيته وخِبرته عند الخبر

وهيبته في هبته ورتبته من راتبه

وقوته من دقته وحنكته في ما أمر

مهابة الرجال بالتقوى ونظره ثاقبه

ونيته في نظرته وخُبر علمه ما اختبر

ليس التفاني بالمنى ولا العُلا بالعايبه

ولا الغنى بالمقتنى ولا البصيره بالبصر

ولا التعلي بالتعالي بل بلينة جانبه

ولا التوكل بالتواكل فالعزيمه بالبُكر

الحزم نيله بالتأني والحلول الصايبه

والصبر مفتاح الفرج من قلبه المؤمن صبر

مروءة الرجال في صدقه وصدقه قاربه

فآختر مقالك في مقامه فالخبر له مستقر

واللوم كثره يورث البغضاء ويقلي نايبه

وسرعة العذل البذي ماهو من العدل الأغر

والعتب من زادت صدوده بعد وصله عاتبه

في غير هذا لا تعاتب فالعتب لا زاد ضر

والمزح مزري من يمازح تستخف الناس به

من إدعى حبك وهانك قله ان الشي نظر

ومن حفر حفره لاخيه..يوقع بها في العاقبه

ولا يحيق المكر إلا باهله اصحاب الضرر

وصحبة اهل الفضل مكسب للأمور الناكبه

فأستكثر أهل الخير يشتد العضد وقت الخطر

ما الكف إلا إصبع بجنب إصبع وصارت ضاربه

وقوة الضارب تحدد قوة الضربه مقر

واللين زايد يجعلك لاهل المصالح غاربه

ومن قسي زايد قسي بين القبايل واكتسر

والفقر ما سده سوى يدك بهمه كاسبه

إمشي مناكبها بهمه واسأل الله الظفر

والشعر حكمه تجعل الشاعر يقدم واجبه

ماشاعر إلا من يترجم من شعوره ما شعر

والعلم يرفع طالبه والجهل يشقي طالبه

قدر المعلم تعرفه في طالبه وقت العبر

العفو يعلي صاحبه والحقد يوضع صاحبه

والجود يرفع صاحبه والبخل عقباه الضرر

واللين يرفع راكبه والكبر يوضع راكبه

والحق يرفع راكبه والباطل اهله في سقر

وكل شاه تناط بأرجلها وتبقى ناشبه

والنفس مرهونه بما تكسب لها خيراً وشر

ماخاب من شاور صحابه ماندم في جانبه

من استخار الله في امره على غيب القدر

والتربيه سبعه بسبعه بعد سبعه صاحبه

فآفة إبنك من صحابه وآفة أهلك في السمر

وآفة الوعد إختلافه بالوعود الكاذبه

وآفة العيشه ترفها وآفة الجود البذر

وآفة العلم التفاخر والحيل في الحاسبه

وآفة الدين المعاصي وآفة الدنيا الغرر

وآفة النفس التعالي مايصير الكبر به

فمن رضي عن نفسه أكثر عافته كل الصور

وآفة اليد التسول وآفة الداء شايبه

وآفة القلب الخطايا وآفة العين النظر

وآفة كلامك من كلامك صون لسنك راقبه

والصدق صابون القلوب العايشه بين البشر

لا تحسب الرجال من شكله وهيبة شاربه

خُبر البقر بأهجاجها ماخبرها بين البقر

قدر الرجل من همته وقيمته من صاحبه

وحكمته في كلمته ومعدنه وقت السفر

............

زودنا بالقصيدة الشاعر عبد الاله الدغري