حجاب ربي على ذات الحجاب
1999م غزل
..............
حجاب ربي على ذات الحجاب
من شافها قال يا ذكر النبي
مكمله فاتنه عذرى شباب
وعين عبده طويله واشعبي
احسب لها عندي اكثر من حساب
من علمش يا قمر تتحجبي
ظنيتها شاديه والا رباب
واحلام واروى وهيفا واهبي
لا يوم حصلتها عند العقاب
قالت لي اركب معك قلت اركبي
هو جمل عندش وعند الله ثواب
افتح لها الخانه افتح يا صبي
تفضلي يا قمر بين السحاب
ولو
نسولف معش لا تغضبي
قالت لمه ؟ قالت معروف الجواب
لا انتي بلا زوج فانا خاطبي
قالت قد اصحابنا سوو كتاب
ما حد يزوج بناته لاجنبي
قلت اش بكن ما تسوين انقلاب
لش حق لاما تحني تغلبي
قالت خلاص النصيب اقفى وغاب
افتح جناح الشراع الجانبي
طواني الحوم شي للبرد باب
قلت اجسي مكنتش واتادبي
ما في الحقيقه قد انتي في عذاب
ذلحين قدش حامية ذي تلهبي
دابه وكم يخلق الله من دواب
ياهذه ارخي حزامش واشربي
ونقضي حقش السبع النقاب
وصلحي واحده و اتهبهبي
قد بيجي البرد من تحت الثياب
لا والدش خايف انش تضربي
وليش بتشاركي في الانتخاب
او مذهبش يختلف عن مذهبي
الزين لبا طلبنا واستجاب
طوى شراعه ونفذ مطلبي
ابدي على اشيا عجب واشيا عجاب
تخلي الهاربي بالهاربي
عجوز قد ناصفتها للكلاب
وشمها مثل شم اليبيبي
يا شوم ماحد يغطي شي معاب
الزينة الفاتنة ذي تختبي
ذي لا حدا شافها سال اللعاب
ما مثلش انتي لمه تتنقبي
وانتي ربيحه تضلي في الشعاب
اش با يقع عادي ارعي واحطبي
ولا تخافي من انياب الذياب
الذيب ما ياكل الا مثربي
قد به على جلدها مثله تراب
حنينه الزوج لا قال اقربي
من بعد فرقه طويله واغتراب
كُسر خرامه ونام .........
قد ربما لا اغتصبتيه اغتصاب
قال اش عليش انهزي لش واحلبي
ما نا احمده قد تغلق كل باب
ما عاد أبا منش الا تنجبي
به فرق بين الحمامه والغراب
كنت احسب الملح كله ماربي
وكنت اقل بايجوا لش من وصاب
اثار انا غالطي في محسبي
زواجتش داخل القريه صواب
غط البلس بالبلس ياصاحبي
كتبت شعر الغزل فيها عتاب
يا شمس شلي حجابش واغربي
جبتي لنا ضيق نفسي وإكتاب
لا تشكريني ولا عتسنبي
...............
0 تعليقات