قصيدة الشاعر/ علي حسين صوال (أبو خلدون)

يقول ابو آيه علي من شعري اخترت الملاح

5 يوليو 2020م

...............

يقول ابو آيه علي من شعري اخترت الملاح

والنآجده كلمه تميز صاحب اللفظ الصريح

الصدق منجى والصراحه طب يبري للجراح

من حاز منهن فاز يمشي طول عمره مستريح

والعمر فسحه والحياه اجدر معلم للكفاح

والتاليه محصولها أمرين رآجح أو شحيح

ماحد على بقعا بسالي زآح همه واستراح

راقت معي ذي قال ذاك البيت ب اللسن الفصيح

(حد من يبا القمه يخايلها ومكسور الجناح

وحد على القمه وخايف ينزلق منها يطيح)

الحق فدو الروح مايغلا على سود القناح

ب المال نتحذا متى ما الراس متعافي صحيح

بأنثر على السامع نصايح دوعنيه من جباح

ألذّ من شهد النحيل وآدقّ منها ف النقيح

صنعت منها اذكار تنفع ف العشيه والصباح

اختار ذي تختار منها وانشد الباقي وشيح

الاوله ناضر على الحاضر وماقد رآح راح

واتقنص الفرصه من اول يوم في وجهك تليح

والثانيه لا كنت قادر أن تبادر ب السماح

ف العفو عند المقدره من شيمة الشخص الرزيح

والثالثه بوصي عليك اخفض من الذله جناح

للطاعه الي عكسها مابا ترى يوما " مليح

والرابعه في سيّرك سرّك وسرّه لا يباح

لا ترم سرّك عند سيّر سرسري طبعه يبيح

والخامسه سو الفشل سلّم به اصعد للنجاح

عظيم من خلفه عظيمه ربّت الوجه الصبيح

والسادسه ميز وقارن للمحرم والمباح

ما حرم الباري حذآري تقربه وإلا تبيح

والسابعه خليّك جدّي لا تكثر ف المزاح

شبّاب لبّاب المواقف وقت ما الصايح يصيح

والثامنه ب الصبر يضفر كل من صدره فساح

لوذي نصدق كل غاوي لا نسوي له ضريح

والتاسعه ب المعرفه والعلم تتسلح سلاح

مالم فعنقك تحت سيف الجهل بايصبح ذبيح

والعاشره لا ادرجت قولي في مهبات الرياح

تذرو به النسمات با تسلك على الدرب القبيح

.............
زودنا بالقصيدة الاخ ابو وجدي صوال القوسي