زامل الشاعر/ عبد الله علي الحبيشي

يا ضيف ما يصلح تزد تبقى وقد تــم الفرح

استدعانا الشاعر العملاق في عرس في قريته منقذة عنس في التسعينات وباشرنا بهذا الزامل العجيب بعد الغداء من باب الفكاهة والمرح.

...........

يا ضيف ما يصلح تزد تبقى وقد تــم الفرح

لو تسمح اتروح قد احنا ناسيين ايحين جيت

الضيف ذي يسرح كفايه لا تغدى واصتبح

وانته بتتبحبح ولا قلته لصاحبنا غنيت

............

زامل الشاعر/ إبراهيم مفتاح البخيتي (أبو عزت)

جواب على زامل الشاعر عبد الله علي الحبيشي

.............

هو يوم لا تشطح ولاقد تحسب الكيله قدح

كم قد لنا احسب صح اضنك في حسابك قد غويت

لابد ما تقدح وتذبح يا المعنى من فتح

بيته وصيّح للرجاجيل اعتنا مسرع عييت

عنسي ذي اتغداء وعنسي ذي تعشى وانشرح

ما الضيف ما قد شي معه يا حبي غير المبيت

يمين ما نشتل من بيت المضيف لو قرح

يا ناسي المعروف قالت أفق مسرع قد نسيت

............

افق قرية الشيخ يحي الراعي

زودنا بالزاملين الشاعر إبراهيم مفتاح