يا مساء الخير باحساسي وسادس حواسي
4 أغسطس 2020م
.............
يا مساء الخير باحساسي وسادس حواسي
قد لي ايام وانا للقاء منتظر
كلك احساس يا رايق وحبك اساسي
كيف له من يحبك بالجفا يصطبر
الهوى ذي مخليني بذكراك لاسي
ويش اسوي بدونك ياطويل العمر
انت من هد بنياني وحطم اساسي
ذي لي ايام واحساسك بقلبي يمر
حبك اصبح على قلبي مفصل قياسي
ياهوى قلب ابولبنان لين استقر
ذي مغالط لتفكيري وقيسه مقاسي
حبه اطعم من التفاح لوكان مر
لو يشكك بتفكيري زيد إلتباسي
لا .قدارغمني اتولع معه وانتحر
كلما خذ على راسي بسيفه وفاسي
قلت لازلت احبك لو تريد تختبر
حسبي الله من محبوب طبعه سياسي
بس وده يوديني من اعلا صبر
.............
){kind=link}
0 تعليقات