قصيدة الشاعر/ عبد الفتاح ناصر الزُبيدي(أبو ليث )

 

يالله ياعظيم الرجا لاعبدك حنب خارجه

 

بدع موجه الى الشاعر عنان القطامي بتاريخ 13 ديسمبر 2020م ويستمر السجال بين شعراء ذو رعين  خبان

 

...............
 
يالله ياعظيم الرجا لاعبدك حنب خارجه
انت العون والمرتجا لا اتعكر عليه المزاج
 
البداع فيك التجا سهل لا دخل مخرجه
خاب الظن خاب الرجا مابش من وراهم خراج
 
امست مقلتي ساهره بث الجن تتفرجه
غرقو طاقم الباخره يوم البحر موّج وماج
 
لا بارك لها ساحره سحرت عقل متزوجه
والقفل اكتسر دايره واصبحنا ندور علاج
 
علمي كيفيه العاقبه من ملّك ومن زوّجه
لا راغب ولا راغبه لكن تم عقد الزواج
 
هو لاحق وهي هاربه في وديان متعرجه
باعمى مستظي عاصبه موعدها بتيجان عاج
 
والله لو تعيد النظر ما ترضا بذا المزوجه
معقوله قليل البصر يلبس تاج قحطان تاج
 
عاصي ساقنا لا الحُفر لا ساقه ولا درجه
خلق الله بسطح القمر واحنا في مدج الدجاج
 
صابه ذي عليها دعا لا زاره ولا حججه
لو صبو دمه لا الوعا ما ابدينا غضب واحتجاج
 
بين البين كيده سعا مثّل دورها واخرجه
موّتها وبعدا نعى من ديوان قصر النعاج
 
ياراكب على آخر مديل لا شامخ رعين إتجه
تلقا راعيين الجميل سوو روسهم لك دراج
 
في قرية دماس المقيل عند القِيل ذي نحنجه
سلم حرفها للأصيل وارجع لي بضو السراج
 
يافحل الفحول أفتني عن عظمان متثلجه
عن خيل اعتلاها دني عن حجاج كعبه زجاج
 
عن جروي سِعِر عظني عن لابج وهو ملبجه
عن منجم حروف الجَني عن شلال عذبه أجاج
 
.............

قصيدة الشاعر/ عنان القطامي

 

جواب على قصيدة الشاعر أبو ليث الزُبيدي

 

............
 
ياربي اليك اللجا دبر عبدك المتجه
ياذي من سواك احتجا ذاق الويل بعد النضاج
 
سجل ياوليف الهجا حل القيمه الناتجه
في بدع الفتى ذي هجا في قوله مقدى وشاج
 
يوم الحاج فك السره وصاهم على الدارجه
غلق بعده السمسره لاشجه ولابه سراج
 
بعد الحلم ذي فسره من راسه بذي خارجه
لغددها وهي سابره وامست هي وياه في طجاج
 
هذا ذي لاخوك اتعبه ما لاقا له اية وجه
سيني هو وسينك شبه روجت المسائل رواج
 
هيذا عرس مارتبه خججنا جعل خججه
يبصر ذي نتف حاجبه واعي بعد راعي نعاج
 
قد شفت ابرهه ذي كفر خالف منهجي منهجه
مادامت حجر فوق حجر بايخرج من اصغر شجاج
 
خله وان تخابر خبر من برجه ومن مفرجه
عاد السبل تحت المجر هو عارف نباته حداج
 
ملعون الجدف مارعا والديان مابارجه
لكن هو عزير الوعا والله مامع امه خراج
 
الراعي رعي وارتعا عشب الذل والديهجه
مادامه تعامل معا رأس الشر والاعوجاج
 
يامرسول ابوليث ليل ادهم ضلمته ناضجه
استنضر وريح قليل اختمها بذاك السياج
 
حملني وحمله ثقيل وجّهني وقال اتجه
مثلي مثل من رد سيل مطلع تحت سبعه فجاج
 
عن حرف الجني موطني عن راحل حمي ثلجه
عن مخفي مرض باطني عن مظهر عمامه وتاج
 
عن كلبين هم من بني داهج عشقته داهجه
عن شلال لا افقر غني مأتم في فرح وابتهاج
 
...........
زودنا بالقصيدتين الشاعر أبو ليث الزبيدي