قصيدة الشاعر/ عبد الفتاح ناصر الزُبيدي (أبو ليث)
on -
الأربعاء, فبراير 03, 2021
إسمش جميله وانتي أصلاً جميله
3 فبراير 2021م
................
إسمش جميله وانتي أصلاً جميله
ويوم شفتش كم دهشني جمالش
امسيت افكر بالعيون الكحيله
ودقة اوصافش ورقة دلالش
امسيت في ليله عريضه طويله
مستنظر ايحينه يدق اتصالش
مسكين قلبي مالقيش اي حيله
هايم على شانش وعاشق وصالش
ياليت وانتي سامره كل ليله
قبال ذي مشتاق يسمر قبالش
فديت قلبش دوري لي وسيله
لاذي على بالي بيخطر ببالش
اشتي تضميني بحضنش قليله
وتسمعيني بعدما اسمع مقالش
ودي بشرع الله تبقي حليله
وانا كمان ابقا حلالش ومالش
وانشي خبر ثاني وعندش بديله
لا تربطي ذيب الغلس في حبالش
والله يانفسي بسمره وقيله
لاشي بنفسش فاحسبيني حلالش
ردي على عاشق مضيع سبيله
روحه وعقله يا جميله فدالش
قبل ابسرش حظي منيل بنيله
واليوم فال السعد فالي وفالش
قلبي مولع بش ونفسي عليله
أرثي لحالي يرحم الله حالش
وانش على ماقال جدا بخيله
نظره تكفي من تعنى وجا لش
...............
){kind=link}
0 تعليقات