يا ضرف واضح من عناوينه
25 مارس 2021م غزلية
..............
يا ضرف واضح من عناوينه
من قبل ما تعرض على عيني
قل للذي ما امليتشي عينه
لازال بين الرمش والنيني
مهما جرى بيني وما بينه
ومهما ظروف البُعد تطويني
انا قطعت الوعد في حينه
والوعد عندي يعتبر ديني
والشرط ذي كنتي حسبتينه
حطيه ذي فيني يكفيني
الطير له جنحان يركينه
وانا جناحي ما بيوكيني
لا تذبحي قلبي بسكينه
وعادنا ماتم
تسكيني
طبع الفرس يعشق ميادينه
وانا اعشقه داخل مياديني
واشرب عسل من نوب يجنينه
صافي ولكن ما بيرويني
والليم ذي بيدش عصرتينه
حموضته تفتح شراييني
هذا شعوري واضح اقرينه
بالمختصر يا اغلا من النيني
..............
1 تعليقات
صح لساااانه
ردحذف