يارب فرجها علينا تفرج
................
يارب فرجها علينا تفرج
على الفتى ذي قد نووا لزواجه
يقول ابوهارون عد با اتزوج
القلب قوى والمزاج مزاجه
لاحد يقلي من ثنا با يسمج
ولا الزواجه يا رجال سماجه
قال المثل لاحد ثنا يتخرج
لا هو بيعدل ما يشوف عواجه
وانا نويت افعل لقلبي مفرج
معتل واصل والزواج علاجه
با افعل لقلبي في المحبه مدرج
لجل الحبايب يطلعين دراجه
ومن وصل لا مفرجي يتفرج
يشوف برجي لجل اشوف ابراجه
اذا اجتمع موجب وسالب سرج
يسمر بنوري واستضي بسراجه
اشتي حبيب اغنج وغيد مدغنج
نقضي ليالي انسنا الغناجه
ذي من هجه طابق معي فالمنهج
ذي بايلبي ما الفواد احتاجه
حبيب ما يخرج لسري مخرج
ذي يحفظ اسراري بوسط زجاجه
تصبر معي للوقت قاسي محرج
مشتيش كثر الهرج ولا هراجه
محلا الحبيب لا جامع اول هودج
القلب محرج مانريد احراجه
ياصاحب البستان اريد اتزلج
اشتي حبيبه فاتنه زباجه
ما طبعها المكياج ولا تتمكيج
ذي وجنها صافي باكل بهاجه
يا هل الهواء قد دم جسمي ثلج
والجسم كنه في وسط ثلاجه
نشتي دفا يا اهل الهوء نتبرهج
وامواج قلبي تشتغل وعجاجه
انا سجين الحب في سجن اعوج
ولا حبايب وقعو لخراجه
ذلحين انا بحتج ابي واتحجج
يوفي بوعده ما نريد ازعاجه
لاشي حنج يسعف مريض ممنج
يزوج ابنه بعد بيع دجاجه
انجا حسين ذي كان صوته يزعج
انو معي ولا هدي ملباجه
رشيد عاشق قد لقي غيد اغنج
ولا المحبه يا حسين لا غاجه
رشيد ناوي لا غلبتوا لابج
لاما يجي مشرف ذمار وزراجه
ونشي مخوه بايقع عرس اهوج
يهل السلاح الفاتقه الرجاجه
نشتي حبيب يوصل بتاج متوج
الفين وخمسه مصدره ونتاجه
واشتي نتيجه بعد ما يتخرج
وقرا النتايج بعد عقد زواجه
الغيد ذي خلا الفواد اتهيج
هاجت عليه امواجي الهياجه
ذي وجهها باهي كما اصبح ابهج
ذي صادها قلبي وشاف خراجه
لا قد ذكر للغانيات اتشنج
ما غيرهن ذي يفسخين شباجه
ثنتين غزال لاهن معي بتخارج
ما واحده سع بيت بغير مراجه
محلا المرق ذي لا نضج وتحوج
وانما تحوج ما يفيد نضاجه
البيت يحلا لا افترش وترنج
تاج البيوت الوان رنجه تاجه
ذي هو بثنتين تبسره يتبحدج
كنه بيتزلج علا زلاجه
ما واحده لاسار بيسير اعرج
والثانيه تبعد له العراجه
بعد الزواجه الاوله لك تحنج
تغازلك بعيانها الدعاجه
ما وحدها ما كودها تغنوج
وكل ساعه حنوقه ونغاجه
...............
زودنا بالقصيدة الشاعر عبد الاله الدغري
31 مارس 2021م
على الفتى ذي قد نووا لزواجه
القلب قوى والمزاج مزاجه
ولا الزواجه يا رجال سماجه
لا هو بيعدل ما يشوف عواجه
معتل واصل والزواج علاجه
لجل الحبايب يطلعين دراجه
يشوف برجي لجل اشوف ابراجه
يسمر بنوري واستضي بسراجه
نقضي ليالي انسنا الغناجه
ذي بايلبي ما الفواد احتاجه
ذي يحفظ اسراري بوسط زجاجه
مشتيش كثر الهرج ولا هراجه
القلب محرج مانريد احراجه
اشتي حبيبه فاتنه زباجه
ذي وجنها صافي باكل بهاجه
والجسم كنه في وسط ثلاجه
وامواج قلبي تشتغل وعجاجه
ولا حبايب وقعو لخراجه
يوفي بوعده ما نريد ازعاجه
يزوج ابنه بعد بيع دجاجه
انو معي ولا هدي ملباجه
ولا المحبه يا حسين لا غاجه
لاما يجي مشرف ذمار وزراجه
يهل السلاح الفاتقه الرجاجه
الفين وخمسه مصدره ونتاجه
وقرا النتايج بعد عقد زواجه
هاجت عليه امواجي الهياجه
ذي صادها قلبي وشاف خراجه
ما غيرهن ذي يفسخين شباجه
ما واحده سع بيت بغير مراجه
وانما تحوج ما يفيد نضاجه
تاج البيوت الوان رنجه تاجه
كنه بيتزلج علا زلاجه
والثانيه تبعد له العراجه
تغازلك بعيانها الدعاجه
وكل ساعه حنوقه ونغاجه
زودنا بالقصيدة الشاعر عبد الاله الدغري
0 تعليقات