زامل الشاعر/ عبد الخالق حسين الشنفي

 

يا قرية الملحاء قد انتي مالحه

 

9 يوليو 2021م عن حادثة القتل المروعة التي حدثت في قرية الملحاء

 

............
 
يا قرية الملحاء قد انتي مالحه
حرام ماعد داخلش واحد صحيح
 
اليوم با نقراء عليش الفاتحه
ونهمد الدنيا نخليها طريح
 
...............

زامل الشاعر/ عبدالله محمد علي البخيتي

 

تعقيب ومداخلة على زامل الشاعر عبد الخالق الشنفي

 

............
 
الصدق جارح والحقيقه جارحه
فينا وفينا وأنت حقاني صريح
 
ما با نغطي شي حقائق واضحه
وفي النهايه ما يشم إلا المليح
 
.............

زامل الشاعر/ ابو بكر صالح سعد علي هادي

 

تعقيب ومداخلة على زامل الشاعر عبد الخالق الشنفي

 

............
 
من زعلك منهم  جعل لا سامحه
وانا اعرفك يا صاحب القلب الفسيح
 
ما ودي ادخل في الامور الجارحه
والا حرام لا نرضح الدنيا رضيح
 
..............

زامل الشاعر/ حسين سعد هادي

 

تعقيب ومداخلة على زامل الشاعر عبد الخالق الشنفي

 

...........
 
يا بو وليد ايش العلوم البارحه
جانا خبر محزن وما هو شي مليح
 
ناحت على الملحاء صياد النايحه
لا سامح الله صاحب الفعل القبيح
 
.............

زامل الشاعر/ ابو بكر صالح سعد علي هادي

 

تعقيب ومداخلة على زامل الشاعر عبد الخالق الشنفي

 

...........
 
لعنه علا تلك الصور ذي كادحه
ذي يقتل المسلم ودمه يستبيح
 
افتح كتاب الله وشوف الصافحه
ومن قتل يقتل دمه يسفح سفيح
 
............

زامل الشاعر/ عبدالاله سعد الدغري

 

تعقيب ومداخلة على زامل الشاعر عبد الخالق الشنفي

 

.............
 
لا استد  باب الشر ما حد يفتحه
الا مفاتيح المصايب والضريح
 
ادوا من الجبهه ذخيره واسلحه
واحنا مدحناهم وزيدنا المديح
 
............

زامل الشاعر/ ابو محمد

 

تعقيب ومداخلة على زامل الشاعر عبد الخالق الشنفي

 

............
بيت ابصر الدنيا عليهم قارحه
قد كل قلب يا صاحبي منهم جريح
 
به فرق بين اليوم وامس البارحه
ما واحد الا من شواعتهم يصيح
 
............

زامل الشاعر/ ابو جراح العليي

 

تعقيب ومداخلة على زامل الشاعر عبد الخالق الشنفي

 

...........
 
امسيت انا سهران قبل البارحه
قد حادثتهم خلت الخاطر جريح
 
كم يا مشاكل دينراها قارحه
قلي لمن عد با تصيح يا فصيح
 
..............

زامل الشاعر/ ابو بكر صالح سعد علي هادي

 

تعقيب ومداخلة على زامل الشاعر عبد الخالق الشنفي

 

.........
 
بني بخيت احنا نحب الكوكحه
خياط مجنانه ودايم في رشيح
 
هذاك يدهف ذاك وهذا يذبحه
ما اظن عد به شي حداي مستريح
 
................

زامل الشاعر/ امين المشرقي

 

تعقيب ومداخلة على زامل الشاعر عبد الخالق الشنفي

 

............
 
ما با يطير الطاير الا باجنحه
والعزم من ريشه حسن والا قبيح
 
ومن جلس في الحر تحت المروحه
يا تصرعه والا يقع زكمه وريح
 
............

جمعها وزودنا بها الشاعر عبد الاله الدغري