مانا قد أغتجت ولي هاجس ذَرِب
...............
مانا قد أغتجت ولي هاجس ذَرِب
لا ارى بعينه غَجّة الهندي رطن
إحترت وانا صاحب العقل الأرِب
ماعد دريت أيش آخرت هذا الزمن
ناس باليمن تشتي تسافر تغترب
وناس بالغربه تبا أرض اليمن
وناس عاشوا والمحاجي تحترِب
وناس ماتو خوف والهُدنَه علن
وناس مَعجَنها يِصَلّح ما خِرِب
وناس معجنها مع ذي قد عجن
وناس تعشق صحبة الكبش الجَرِب
وناس تصحب صاحب الخُلق الحسن
وناس فوق ظهر المواطن تِدّرِب
وناس تبذل روحها لاجل الوطن
وناس صانت ظهرها لا يضترِب
وناس باعت عرضها بارخص ثمن
وناس عاطشها من الوحله شِرِب
وناس عاطشها جمل للماء خزن
وناس لا قامت فِتنها تنطرِب
وناس لا قامت تِطَفّي للفتَن
وناس غير الناس تشتي تِخترِب
وناس مثل الناس تشتيها طنن
وناس مثل الثعل في قِسم التَّرِب
ذي ما درا يسأل خلايف ذو يزن
يستاهل المنتوف لا خده ضُرِب
قلنا له إرزا لا تصدٍقش الهَيَن
قال الخيانه كاسها ما ينشرِب
تُحرم علينا عيشة القوم الخَوَن
قلنا بالآخر ....... ..... .......
قالو فلع ما دهنه إلا من لبن
عشنا وشفناها كما قال الذرِب
غوجانيه من سفح صنعاء لا عدن
................
26 أغسطس 2021م بعنوان ( ما انا قد اغتجت)
لا ارى بعينه غَجّة الهندي رطن
ماعد دريت أيش آخرت هذا الزمن
وناس بالغربه تبا أرض اليمن
وناس ماتو خوف والهُدنَه علن
وناس معجنها مع ذي قد عجن
وناس تصحب صاحب الخُلق الحسن
وناس تبذل روحها لاجل الوطن
وناس باعت عرضها بارخص ثمن
وناس عاطشها جمل للماء خزن
وناس لا قامت تِطَفّي للفتَن
وناس مثل الناس تشتيها طنن
ذي ما درا يسأل خلايف ذو يزن
قلنا له إرزا لا تصدٍقش الهَيَن
تُحرم علينا عيشة القوم الخَوَن
قالو فلع ما دهنه إلا من لبن
غوجانيه من سفح صنعاء لا عدن
0 تعليقات