حال الشاعر/ صالح عامر اليكاري

 

سلام ينشر في صحف واذايع

 

 القاه في شراره في عرس ال المعمري

 

..............
 
سلام ينشر في صحف واذايع
سلام من قلبي ومن وجداني
 
سلام اقوله من صميم الواقع
واوزعه للكل بالميزاني
 
علا شراره صرم كمن شاجع
اعداد ما سبل المطر شناني
 
يقول ذي جاء عند كمن رايع
نسب وصاحب وابزياء واخواني
 
اتيت من ساحة يكار متواضع
شرفة ذي رسل دعوته ودعاني
 
قد بشهد السامع وذي مش سامع
والحاضرين ذي يسرتي ويماني
 
علا المقشي الاديب البارع
ابوعلاء ذي ينظم القيفاني
 
يا حاضرين منه لقيت مواجع
كم يا وكم قد هاجسه غثاني
 
صبري نفذ منه ولاعاد مانع
وهاجسي قد جاه مخصوص عاني
 
لا جيت ظيف عنده فقام يصارع
ويقلد انه طاهش الحوابني
 
وهاجسه تيون ظعيف بينازع
ماهوش مثل الاصلي الياباني
 
لاشافني مسكين تعشق سابع
ويزرله ويقوم يتحداني
 
مااليوم والله مايحصل شافع
لاكال نفر باكيل قدح وثماني
 
جاك القضاء ياابو علاقم دافع
انا لها ثابت في الميداني
 
ماينفعك نازل ولا ذي طالع
انا اعرف ايش في خاطرك وايش باني
 
ياصاحبي راجع حسابك راجع
اوبه تودف يلقصك ثعباني
 
بيني وبينك بانسوي قاطع
ولو تحكمني وتترجاني
 
ابوه لضيفك لاتظوه جاوع
جهزغداي والقات والدخاني
 
واونك عترجمني بوسط الشارع
فعادمعي صاحب بدالك ثاني
 
الشيخ احمد معمري بويافع
يقوم بالواجب ولاينساني
 
اما انت قد قلبي من اصليك قانع
وانا اعرفك شامخ مثل عنقاني
 
ختامها ازكى الصلاه لشافع
شفيعنا طه ولد عدناني
 
..............

 حال الشاعر/ محمد صالح المقشي ابو علاء

 

   جواب على الضيف الشاعر صالح عامر اليكاري

 

...............
 
في البدايه مرحبا بالوصال
ترحيب يملي حدنا باطواله
 
واهلا وسهلا فوق راسي والشال
باالضيف كم نسعد في استقباله
 
لاكن قد  الضيف عدت انوع واشكال
والضيف لاهو مثل صالح  زاله
 
يشتي لحوم اعجال ويشتي قات عال
لاجاء  شراره حمل الناس حاله 
 
اقسم بربي ماانقده وايش ماقال
بانقد علي ذي رسل الدعوه له
 
رسل له الدعوه وبادر فاالحال
وصل بيتشرط عليه فاقواله
 
ماالشعر هو ربحي وهو راس المال
كلين له وزنه وله مثقاله
 
لاتحسب انك فارسه  والخيال
الشعر هو للمعمري وامثاله
 
وابوعلاء  له نجم عالي  لازال
يصعب عليك ياابو صلوح نزاله
 
سير  اشتغل لك حيث مانته شغال
في مطرح النيس انتبه غرباله
 
مازلت انا راسخ رسوخ الابطال
وهاجسي فارس وانا خياله
 
والختم صلوا ماتلوا في الانفال
تغشا رسول الله محمد واله
 
..............
زودنا بالبدع والجواب الشاعر عبد الاله الدغري