يا الله يا من للمخاليق كافي
..............
يا الله يا من للمخاليق كافي
نسألك تحفظ من نعزه ونغليه
أنت الذي تعلم بما كان خافي
تعلم بسر العبد لا كان مخفيه
واحنا البشر في بحر ما له ضفافي
ما حد وصل ما هو يريده ويبغيه
عمر البشر محدود ما به إضافي
من طاع ربه من عذابه ينجيه
والمتقي مرتاح لو عاش حافي
يسعده ربي في حياته ويغنيه
دنيا ولا تستاهل إنا نجافي
صاحب ولا نرضى نضره ونؤذيه
نزعل ونرضى والخوافي نظافي
ومن زعل منا لزومن نراضيه
ناخذ ونعطي كاس بالود صافي
والجيد لو يطلب من الروح نعطيه
نحط بلسم فوق الاجراح شافي
بعض الصحب لوحط عالجرح يشفيه
نبقى سوى في ثقلها والخفافي
ومن طلب فزعه بسرعه نلبيه
ونحترم من كان نشمي سنافي
ومن وثق فينا لزومن نثق فيه
أكتب قصيدي واعتني بالقوافي
لكل من قلبي يعزه ويغليه
فيها نصايح للعقول النظافي
من حب يآخذها وربي يحييه
................
8 نوفمبر 2022 م
نسألك تحفظ من نعزه ونغليه
تعلم بسر العبد لا كان مخفيه
ما حد وصل ما هو يريده ويبغيه
من طاع ربه من عذابه ينجيه
يسعده ربي في حياته ويغنيه
صاحب ولا نرضى نضره ونؤذيه
ومن زعل منا لزومن نراضيه
والجيد لو يطلب من الروح نعطيه
بعض الصحب لوحط عالجرح يشفيه
ومن طلب فزعه بسرعه نلبيه
ومن وثق فينا لزومن نثق فيه
لكل من قلبي يعزه ويغليه
من حب يآخذها وربي يحييه
0 تعليقات