قصيدة الشاعر/ علي عامر العبدلي

 

الليل يارونق حروفي همي الليله بلد

 

بدع موجهة الى الشاعر أبو احمد الناصري

 

.................
 
الليل يارونق حروفي همي الليله بلد
..... فيه التنافر والتباغظ والريا والاضطهاد
 
والتيه تايه فيه من كثر التكبر والحسد
.... جوه مغيم بالمشاكل لعن ابوها والفساد
 
وكل محتلت لنا عقده تجي عدت عقد
.... لمن نوجه قولنا يصحابنا والانتقاد
 
قد ذي اشوف الحيد حبله حبل لاكن من مسد
.... والجهل لاقلنا نقص يكبر ويتوسع وزاد
 
وتضاربت الافكار عند العبدلي يابو حمد
.... وتباعد المقرب وشاهد قربين اشياء بعاد
 
هذا غموض اليوم مابلك بما يأتيه غد
.... ماعاد فيها لالعل ولا عسا يابو حماد
 
البارح اترايت هانا حلم خلا النوم صد
.... ومسيت ساهر لين حان الفجر والعالم رقاد
 
شاهت لك عدت زواحف هاجمت وكر الاسد
.... مدري بطوله اوغشامه او رئينه في قياد
 
وشفت لك في نفس حلمي جيش من صوب العند
.... وقايده روحاني الظالم بدعم احمد نجاد
 
وشفت راقد وفجئه من لذيذ النوم هد
..... دور جراده بس فلت من يده عدت جراد
 
وشفت لك جامد حمي وشفت لك حامي جمد
....فسر لي احلامي ولافسرتهن عادك وعاد
 
مضا عليا ليل ماقد شاهد عابد عبد
....طحين رعيان البداوه راح في هب النياد
 
يامنتظر للترقيه ومنتظر جيش المدد
.... جفت ينابيع المدد مافيه عيشه من صياد
 
احنا خلقنا احرار مانتبع ابد عابد عبد
.... اشوارنا في روسنا وقولنا صادق وجاد
 
ماحد لغير الله مولئ الملك كله قد سجد
....وروسنا ماتنحني الا لخلاق العباد
 
لاشفته ان الليل قد عسس وكونه قد هجد
.... لن بد من فجر الضحا يأتي ونسناس البراد
 
وكل واحد مازرع في هذه الدنيا حصد
.... اعلن علئ بعض السوالف ياغنا قلبي حداد
 
غيمه قويه جوفها بارق مع راعد رعد
.... مزونها شنت علئ العرقوب وصحاب السواد
 
رغم ان ذنب الخلق فيها مثل ما كوم الزبد
..... ذي يطعنو ياراس مالي طعن من جوف المداد
 
بالمختصار الاب ماوالله جا مثله ولد
.... قد الذري ثاني عيال اليوم حق السندباد
 
الله بايرحم رجال العز وصحاب الكند
.... ذي جاهدو لجل المروه والوفا دايم جهاد
 
ايش المخبر بايخبر فالزمان المستبد
..... ولا زمن عنتر وبو ليلئ وطارق بن زياد
 
...........

قصيدة الشاعر/ أبو أحمد الناصري

 

جواب على قصيدة الشاعرعلي عامر العبدلي

 

...............
 
بسمك دعيتك ياعظيم الشان يالفرد الصمد
〰️〰️ تخارج الشعب المكافح من ضروف الاقتصاد
 
له سبع محسوبات وازيد في سجلات النكد
〰️〰️ بقدرتك قادر تخارجنا من السبع الشدات
 
يامرحباء وأهلا وسهلاً ضيفي اغلى من وفد
〰️〰️ ترحيب جيد وذي وصل عندي من الناس الجياد
 
العبدلي في هبط الجودات والشيمه عمد
〰️〰️ ورث كرم حاتم اذا جا ضيف يكرم له وجاد
 
انا أشهد  انه كل  ما ناديت  لبا واستعد
〰️ يجيك مثل الفراس المغوار لتعلى الجواد
 
هيا غليس اد القلم في ساع واقبل بالرصد
〰️〰️ اكتب على ضهر البياضه عذب الأبيات الجداد
 
واجب عليا ارد نفس الخط في ماقد ورد
〰️〰️ ماقد مضا ماضن يابو سهم للحاضر يعاد
 
يقول ذي ما ينحني راسه ولتنازل لحد
〰️〰️ نقول قول الحق بين الناس نسعى لسداد
 
محنا من الي في المشاكل يلحق العقده عقد
〰️〰️ إن جا مع هاذا انتقد وهاذاك يلفاه انتقاد
 
لو شي معي سلطه سجنت أهل الملامه للأبد
〰️〰️ والناس ذي يوشو لهيب النار لو قدهي رماد
 
بين القبل يسعو على زرع المشاكل والقهد
〰️〰️ والمعرفه قد مكنوها هات يامالي مياااااد
 
يا شعبنا كن حن ما حنت على بوها رغد
〰️〰️ صدام ذي لجل الوفاء استشهد على درب الجهاد
 
واحنا ايش باقي ياعلي عامر لضا جوفه سند
〰️〰️ الصبر حكمه ياعلي عامر لما الخلاق أراد
 
ما الناس لاقلته نريد الحل قالو قد وقد
〰️〰️ نحنو بوادي والعرب والغرب والدوله بواد
 
صنعا وصعده خلصو ماقد  تخطط للهدد
〰️〰️ وابين ومارب عادهو مرسوم في بند الهداد
 
بعد الشهيد الحر دي غادر وقفا وافتقد
〰️〰️ راح السلا والسعد والسلوان من دنيا سعاد
 
روح زمان الطيب  والراحه وقفا  وابتعد
〰️〰️ وربيع ما عاده ربيع وجماد ما عاده جماد
 
والختم باصلي عدد ما هل همال البرد
〰️〰️ على رسول الله ذي قد فضله رب العباد
 
................
زودنا بالقصيدتين الشاعر عبد الاله الدغري