قصيدة الشاعر/ إبراهيم مفتاح البخيتي

 

قلت ايش اسوي فديت الخشم ويش افعل

 

27 مارس 2023م

 

..............
 
قلت ايش اسوي فديت الخشم ويش افعل
لازال فيني غرامش ساري المفعول
 
قالت تغيرت ما عاد انت مثل اول
لعِب بك النت والموبايل المحمول
 
لا عاد سمره غراميه ولا مقيل
يا قاسي القلب قد باب الهوى مقفول
 
لا عاد بتقل لي اتنقش ولا اتكحل
قلت الكُحل خط أحمر قالت اشبتقول
 
قلت النُقّش سهل قالت والكحل أسهل
قلت المكَحَل قده تحت الثرى مقتول
 
قُعي مره من تكحل ربما يرحل
مانش مكحل عيونش عاد انا معقول
 
تنّقّشَي والكحل خَلّيه لاما اسئل ؟؟
واشوف شي زينبيه طرفها مكحول
 
..............