قصيدة الشاعر/ خالد الفقيه الدثيه (أبو طه)

 

قـال الـفـقـيـه لا تـقُـل يا احـمـد لـيـه غـيـبـت

 

بدع موجهه الى رفيق الدرب الشاعر احمد منصر العسل في 21 يوليو فـجر السبت 2023م

 

..................

قـال الـفـقـيـه لا تـقُـل يا احـمـد لـيـه غـيـبـت
كـلـه سـبـب مـنـصـبـي ذي فـيـه مـتـعـاقــد
 
يا إبـن الـعـسـل مـا نـسـيـتك لا ولا اتـهـربـت
قـد قُـلـت لـك بـالـسـبـب يا سـيـفـي الـصـارد
 
إسـمـع نـبـأ مِـن سـبـأ يـشـمَـل لـمـا اسـتـقـطـبـت
جـرت لـي الأمـس لـيـلـه تـجـعـلـك شـارد
 
هـزتـنـي اشـواق هـاجـس مِـنـهـا سـنّـبـت
ثـابـت كـضابـط  مـخـالِـف حـيـن جـاء الـقـايـد
 
رغـم إنـي أكـبـر مـشـاغـب لـكـن اتـأدّبـت
مـن هـول بـطـشـه عِـرقـت الـحـار والـبـارد
 
الزيت والما اختلط من كثر ما استرهبت
قـد قـال لـي مـاهو إسـمـك قُـلـت لـه مـاجـد
 
ضـحـك عـلـى الـفـور قـائـل  لـيـش قـد عـصـبـت
فـقُـلـت خـوف الـعـقـوبـه والـعـرق شـاهـد
 
أجـاب بافـتـيـك فـتـوى وانـت لـو جـوّبـت
باعـطـيـك رتـبـه كـبـيـره تـقـهـر الـحـاسـد
 
قـال انـت شـرّقـت وانا يا ضـيـاء غـربـت
واصـلـك بـكـيـلـي وانا مِـن مـنـطـقـة حـاشـد
 
كـم بـه قُـرى بـيـنـنـا الـبـيـنـيـن لـو حـسّـبـت
حـسـاب تـكـتـيـك خُـذ مـنـي عـطـا واجــد
 
ومـهـلـتـك ربـع سـاعـه لـو بـهـا رتـبـت
باشـيـل رتـبـة مِـلازِم وامـنـحـك رائـــــد
 
خِـلال ثـنـتـيـن دقـائـق للـجـواب انـجـبـت
ثـلاث قـرى والـبـكـيـلـي عـنـده الـزايــد
 
اجـاب مـبـروك مـا انا انـذرت بـه واوهـبـت
الـطـيـر مِـن فـوق كـتفـك لـ اجـنـحـه فـارد
 
فـقُـلـت اجـرّب بـداهـة خـيـر مـن احـبـبـت
احـمـد مـنـصـر اديـب الـشـعـر والـنـاقــد
 
وافـتـيـك مـن بـنـت ولـدت فـجـر يـوم الـسـبـت
طـاعـة مـنـصـر بـعكـس احـمـد مـع حـامــد
 
لا تـعـتـجـب مـنـهـا فانا قـد اسـتـعـجـبـت
كـيـف اقـتـرب مـنـهـا ابـوك وانـت مـتـبـاعــد
 
وعـنـدنا الـعـكـس قـد خـلـتـنـي اسـتـغـربـت
قـد طـاعـة الإبـن واسـتـعـصـت عـلـى الـوالـد
 
واستسلـمـت لـي وقـالـت شِـل لَـك مـا انـجـبـت
وادّت لـي الـصـادره بالـطـوع والـوارد
 
أقـرّب الأمـر لَـك تـوصـل لـمـا نـقـبـت
مـا عـنـد ابـوك عـنـد خـالـد واصـلـهـن واحـــد
 
مـاتـيـن بالـجـاهـلـيـه فـي رمـال الـخـبـت
فـي عـصـر الإسـلام يا احـمـد قـلـبـهـن جـاحــد
 
اشـتـي جـوابـك مِـجـيّـب مـثـل مـا جـيّـبـت
الـشـطـر الاول بـشـفـرة رمـز مـتـقـاعــد
 
افـحـص دمـاغـك وجـمـهـورك بـمـا انا اجـلـبـت
مِـن ذي مـداوم بـتـفـكـيـره ومـتـقـاعــد
 
..................

قصيدة الشاعر / احمد منصر العسل (أبو ايمن)

 

جواب على قصيدة الشاعر ابو طه الفقيه الدثيه

 

.................
 
اتحفتني يا فقيه القافيه واطربت
يا من له القدر في قلبي رقم واحد
 
يستاهل القدر والترحيب لا رحّبت
كلام دغري حقيقي والله الشاهد
 
قريت لغزك ومن كثر التعب لبّبت
قلبت صلبت لاما جاني الناهد
 
ما انا عليا القسم يا اليوم قد شيّبت
من ضيفة  السبت واصبح هاجسي جامد
 
حاولت افسر مغازي بازلك وارتبت
اعوذ بالله من وسواسك المارد
 
قد شابت ارقام تفكيري وكم جربت
الطرح والضرب والقسمه مع الزايد
 
اللغز نفسه ملخبط صابني بـ الكبت
لا امسيت ذاهن من افكاري ولا راقد
 
الحل موجود في جسمك اذا صوّبت
وغير موجود في روحك فكن زاهد
 
وفي الحقيقه تشوفه لا تقل شعّبت
وفي الهوى راس كل الشر متباعد

.................
✍ أبو أيمن العسل زودنا بالقصيدتين