قصيدة الشاعر/ علي ناصر القردعي

 

يقول اخو مفطم بديت الغبش

 

مرسله للشيخ عبد الله علي جرعون وتعبر بما فيها وقد عزاء نفسه في وفاة شقيقه مسعد بن ناصر القردعي وجواب على قصيدة جرعون واعلان الحرب بين قيفه ورماد عام 1330ه

 

.................
 
يقول اخو مفطم بديت الغبش
متعلي اخشام الجناشي
 
قانص لصيد اشعاب ترعى العتش
واسرح مع سبق القراشي
 
والقلب متغوش عليّ وارتبش
يا محنته محنه على شي
 
من يوم ريت الصنو فيه الونش
قد سارت الليله بلاشي
 
لكن على محصي عدد كل طش
يشفيه منما به يعاشي
 
يشل حمله فصل جابر وقش
ماينقله معسوف حاشي
 
له قسم في الجوده نهار الدهش
لا ردها ذيب البطاشي
 
الهيـم يـدي هيــم مثلــه حنش
واللاش يدي لاش ماشي
 
والذيب ما يحنب يفض الغشش
ما يحنب الا كل لاشي
 
يامرحبا بالقول ما الطش رش
واسقو به الزرع العطاشي
 
ببيات سلطان الجيوش الوحش
ما لان من طول المناشي
 
برسل مع طارش نبل لاهرش
بالخط ذي فوقه غراشي
 
وانشد على احمد خصمنا لا احتمش
على الاسد زين البشاشي
 
وفي القريشـيه محـل البـوش
تمسي على حسن الفراشي
 
سلم بعطر اصلي خرج في خيش
من شم ريحه طاح غاشي
 
ذكرت حكمي صدق فيه البحش
من يوم ماحد غط جاشي
 
لا انته ولا غيرك لصالح فرش
والزامكم صارت بلاشي
 
من بعد مسينا دهمنا الورش
على العول حمش القعاشي
 
بمثلهم عده وربي طمش
ذي ماعلى عينه عماشي
 
وضويت هجعه مثل حيد انكمش
وجيتني فيك احتماشي
 
وغرني وجهك وكبر الجنش
وقلت ما جرعون واشي
 
وارسلت وجهك والزقر هو وبش
والوجه تفداه القعاشي
 
شف بازلك قومك لجنبك دحش
والبنت حواء جات ناشي
 
من ضلع ابونا ادم كثير الغرش
ذي سار في شور الغشاشي
 
او ذه ذبالة عرض فانوس نش
من قاز جاء فوق المواشي
 
اوذا العمل ذي جاء في القبر غش
او موت منه لرتعاشي
 
واحزيك من قله على حيد اجش
واثمارها شي على شي
 
فنجاشها سبعه موارد بلش
وانشد لها فرض الرياشي
 
والختم اصلي ما القلم قد نطش
على النبي زين البشاشي
 
..............