قصيدة الشاعر/ علي احمد محسن البيحاني

 

كلام الناس ما نـزل مـقـام الشـخـص او يـرفـع

 

25 يناير 2023م

 

..............
 
كلام الناس ما نـزل مـقـام الشـخـص او يـرفـع
وكلمة شخص ابو وجهين عندي اكس مطبوعه
 
ولا اسـمـع من مدحني او يـدق الطبل والمرفع
طبيعي يـازمـن مبداي واحـد ما اختلف نـوعـه
 
انـا في خـيـر والا ويل راسي معتلي ما اخضع
وعند الـنـاس تبقى سيرتي بالطيب مـسمـوعـه
 
فـلا بـغـلـط على غيري ولافـي صـاحب اتـريـع
وبمشي واثـق الخطوه وهـامـه فـوق مـرفوعـه
 
ونطق الشخص والآخلاق عند الناس لـه مرجع
وعـادات الكـرم والـجـود في الاـجـواد مـزروعـه
 
عـلـى عـادات واسـلاف الـعـرب في نهجها نتبع
ولا غــيــر مـبـاديــنــا زمن بــاعــه ومـبـيـوعـه
 
زمـن عـيـاب واعـرف حيـن يختم كيف بايبدع
وعـاد الـبـعـض والله مـاعـرف كـوعـه ولا بوعه
 
كـمـا ان الذيب يـحـسبـها وقايس قبل ما يقطع
ويـعـرف من غـلـط في حـقه الغلطات مرجوعه
 
زمـان المصلحه والـمـال ذي مـايـعـرفـه يـهـجـع
وهـو بـايـتـضـح وجـه الزمن وايـامـه الـشـوعـه
 
ولا يــربــح مـن اتـطـمـع بـحـب الـمـال واتـولـع
مـن اتـنـعـم زمن هـي بـا تـجـيـه ايـام مخدوعه
 
وكـثـر الـمـال ماهـو شي وسيله خاب من يجمع
لـغـيـره وانـحـرم يـبـخـل ومـالـه مـاطـرد جوعه
 
يـعـيـش الـعـمـر مـتـنـكـد وبالأطماع يـتـوسـع
ويـفـرح لا قـد الأمـوال في خـزنـات مـجـمـوعه
 
وطـبـع الـنـفـس من يـفـتـح لـهـا الأطـماع ما تقنع
ويـنـسـى الآخـره واعـمـال ديـنـه شـبـه مقطوعه
 
وذي مـايـعـتـبـر فـي هــذا الـدنـيـا غـبـي وادوع
تــغــره زيــنــة الـدنـيـا ويـخـسـر كـل مـنـفـوعـه
 
ولا يـحـسـب حـسـاب الـمـوت بـايـاتـي وبايوقع
وسـط قـبـره وخـدو لـحـد للمسكين في صـوعـه
 
فـلا اتـصـدق عـلـى نـفـسـه ولا من مـاله استنفع
هـبـا مـنــثــور مـا بـايـنـقـذه فـي لـزت اظـلـوعـه
 
و لا بـاتـنـفـع امـوالـه ويـوم الـحـشـر مـا تـشـفـع
يـجـيـه الـهـم والـحسـره وعـيـنـه هـلـت ادموعه
 
ومـن بـعـده يـجـي من يـخـلـفـه في مـالـه اتمتع
يـطـعـفـر مـكـسـبـه والـمـال يتصرف على طوعه
 
وصـار الـشـخـص منسي من رحـل ماعاد بايرجع
ويـنـسـوه اقـربـائـه وانـتـهـي صـيـتـه ومشروعه
 
ويـا ربــاه تـسـتـرنـا  وحـسـن الـخـاتـمـه نـطـمـع
وتـرحـمـنـا بـيـوم الـخـلـق مـن لآهـوال مفجوعه
 
ونـخـتـم بـالـنبـي مايـسـجـد الـعـابـد ومـا يـركـع
صـلاة الله عـلـى بـلـقـاسـم انــهـى كل مـبـدوعـه
 
.................