........... قال الوحدوي يا عدن غني وافرحي وازمـلـي واحتفلي بـمـايـو ولـو قلبك نحو غـيـره يميل والمطلوب بـا نـعـمـلـه لا تـغـثـي ولا
تـزعـلـي لكن يا عيون الـمـها ما حد يطلب المستحيل لا تـتـسرعـي يا عدن بأحكامك وتستعجلي يا ذي قد صبرتي سنه ماعـد باقي الا القليل خلينا نزيل الـعـسـر ما موضوعش انتي دلي با يطرح على الطاوله وانتي جعل عمرش طويل لش وجهي ووجه البزي والحمري وقايد علي ما نفرض عليش رأينا بالقوة ولا بالصميل بـعـد الحسم با نجتمع ونصوّت عـلـى ما يلي واحد اثنين ثلاثة اربعة والله حسبنا والوكيل ان ودش نواصل سوا واصـلـنـا وبا تـنجلـي والا العكس يا غاليه ماشي حل غيره بديل فاحسن لش ولا ذمتي واحسن للمعلا ولي ان الـعـهـد ذي بيننا يبقى جيل من بعد جيل متفائل وعـنـدي أمـل وانـتـي مثلي اتفائلي يا وجه الجمال البري وعيون الزمان الجميل عـاد الـوضـع با يـسـتـقـر والكربات با تنجلي وعد بلحاف با يشتغل وابيار المسيلة تسيل والـمـخـزون با يـرتـفـع والخزان با يـمـتـلي والدولار با ينخفض ويطيب الجراح العليل عـاد الخير قادم نـعـملو تصغي وتتمـهـلـي بس احنا نحب العجل والسرعة دمار العجيل لحظة عـاد انا با اسألك وانتي جاوبي واسألي والصادق ورا كـلـمـتـه يـورد حجته والدليل ليش الف القعيطي رخص والألف المشطط غلي رغم الدعم ذي تأخذي مازال اقتصادك هزيل المليون ب اربـع مـيـه يا قـهـري ويا بـاطلي وانتي ما ظهر لش خبر حول المغترب والكفيل اصتبحي سنام الجمل واتغدي بطون الطلي واتعشي مشاوي سمك والقهوه تقع زنجبيل واحنا وايش قلنا فلا يهنأ في فؤادش كلي ماغير انسي التفرقه والبغضاء وقالت وقيل تحرير السعيدة هدف والوحدة هدف أولي ما انتي شي من ارتيريا وانا لست عابر سبيل وآخر بـيـت با اذكرش لا صليتي استـقـبـلي للقبلة وعـنـد الدعاء لا تنسي رفـح والخليل واختم ب الصلاة للنبي وانتي مثل قولي قلي ما اهتزت غصون الشجر لاهب النسيم العليل ...........
قصيدة الشاعر/ محمد علي الميثالي (أبو فايز)
تعقيب ومشاركة متواضعة مع الشاعر
الكبير الشاعر مجلي القبيسي بتاريخ 2024/9/16م
.............. من قمة جبال الحدا بوفايـــــز محمد علــــــي جايي فوق ظهر الجواد با تعـرف بصوت الصهيل ارحب ما لمى بارقه والباقــــــــــات من مشتلي قد حبيت اشارك معك لانك صاحبــــي والزميل حيا هيلمان القصيـــد حيـــــــــا الشاعر
الهيشلي خليته ترند السجال يزجل فــي المواقع زجيــل خولان ذي بزت وانجبـت مثلــك انــت والشنبلي يابو نصر تسلم يــدك رميـــــــة بندقك مــا
تميل قد ضاع الوطن باكملــــه اعمالــي ومستقبلــــي ما زدنا طعمنا السلاء من بعــــــــد الزمان
الجميل كم قد صحت كم قد مشيت لاما قعشين ارجلي نتعاون للم الشتات ما نشتــــــي وساطة دخيـل احنا كليتين في جسد لكــــــــــن الجسد
مبتلــي الثنتين فيهن فشل ما فـــــــــــاد الــدوا
بالغسيل محلى طلتش ياعدن فـــــــــي جلبابش المخملي غني وافرحي وازجلي قد جــاش العريس النبيل يا بنت الحسـب والنســب يا ذات المقام
العــلـــي لا زلتي في اعماقنـــا مرموقــــــة مكانش
جليــل يا سمراء جنوب اليمن لا مدحـوش تستاهلـــــــي يا وجه الجمال الصبيح والطـــرف الانيق الكحيـل وانا بمدحــش مثلهـــــــــم واوزن ذبذبت
أريلـــي من فيض الحروف اكرمش مانا عند مدحش بخيل لا انتي تشتي العافية سيـــري فـي الطريق
الدلـــي والوحدة علاج الوجع مابش حــــل غيره بديــــل وانش تشتي الانفصــال شــــــدي همتش وارحلي با نرضى بخير الحلول حتـى لــو فراقش ثقيــــل لازم قبلمـــــــا ترحلـــــــي تتنقــــــي
وتتغربلـــــي من ذي قسموا ثروتش كلن مــــــن غلالش يكيــل قد شلوا جباح العســــــل لامـــــــا تمـــوا
الدوبلي كلن منهم مفتهن راكب فـــــــــوق آخـــر
مديـــل في الختم الصلاة للنبي مـــن بادر بذكره
سلـــــي خير الخلق نور الهدي مــــن نال المقــــام
الفضيل ............. زودنا بالقصيدتين الشاعر عبد الاله الدغري
0 تعليقات