بدع موجه الى الشاعر أبو همام السلال مزروع بتاريخ 19 أكتوبر
2026
............... بدعت القول بك يا مطلع
ما اخفيت في نفسي وخالق كل شي والعرش من
صنعه وكرسيه ورافع سبع فوق السبع
تحت العرش والكرسي وتحت السبع باسط سبع
بالعضيان مكسيه حمدتك حمد من ذلحين
حتى ينقطع نخسي ولا مقيل يوقف حمدي
الدايم ولا امسيه اسالك تجعل القرآن
نوري واجعله انسي وشافع يوم تبدي في
صحافي كل منسيه واسالك سترمن عندك
يغطيني بدل لبسي نهار آجيك عاري والبشر
ما نفس مكسيه ويوم آخذ كتابي لا عمر
جنبي ولا مرسي ولا الرسي ولا تنفع
زواملنا الحماسيه أبو نشوان نابي قد كسر
يا الله مع ضرسي اكل به لحمتي والخبز
للدوها يبوسيه سهرت الليل طوله ما قدرت
اقطف ولا بلسي ولا احساسي تاثر بالعبارات
الرومانسية من الوضع المسي حطم
حلم راجي ومتعسي ولا قلنا تخارجنا تجي ضربات
عكسيه انا محبوس اولا الوضع
ذي محبوس في حبسي كسوف الشمس اولا اخفاق
يا اشبال الفروسيه خلطنا القات قيفي
وارحبي صعدي مع العنسي وضيعنا القيم واخلاق
الاسلام الاساسيه انالاشفت غيري كيف
عايش يقتلب حسي وذي يمنح بلاده حب لا يوصف
وقدسيه وانا وانته سكرنا من
شموم العلبه الببسي ونتقاتل على من يشتري
طاقات شمسيه ولا درسك نفع فيني ولا
عندك نفع درسي وهي كانت قريبه
لوتجنبنا الحساسيه وصلنا حيثما فول محمد ناصرالغرسي وزيّدنا ودخلنا اليمن
من كل جنسيه حنينه شعب قد رجوه مثل
الحبه الدلسي ثلث ماتوا وباقي ثلث
فيه امراض نفسيه وقسمنا الوطن بين
الخليجيين والفرسي ولا با تنفع امريكا
ولا قوات روسيه اذا ما شورنا واحد وما
حسيت به تحسي فما حد با يحل المسئله
بارقام أسيه رسولي شل خطي والهديه
واركب التكسي تنقا ماركات العطر
واختار الفرنسيه وابوهمام قدامك وداره
بالكرم مكسي وبوبه تفتتح كلاتها
برقام لمسيه وقله كيف حاله كيف ذي
يصبح وذى يمسي من القولون بعداحداث
ملموسه وحسيه وما تحليل أبو همام
لريح اعصارها عكسي نتايجها تناقلها
الجهازات الجلكسيه وهل عنده امل كل
البواخر والسفن ترسي وتتحمل وتنفل في
مواعدها القياسيه .............
زامل الشاعر/ صالح حسين مزروع (أبو همام)
جواب على قصيدة الشاعر الشيخ نشوان ناجي
نشوان
.............. ألا يا الله يارحمان
اسالك باسمك القُدسي تقبّل مني الحُسنا
وسامحني على السيه أنا واثق وانا راجي
وانا ظنّي ومتعسّي وانا لي قلب مؤمن حل
تحت اضلاع ملسيّه يسبح لك وانا مملوك في
يومي وفي أمسي لحكمك مثل كل الخلق
جنّيه وأنسيّه لك الحمد انت وحدك يا
دوا نفسي ويا أُنسي وانا وجهت وجهي لك
بتقوى واحتراسيه أبوهمام حيا الله بمن
جاني على راسي ويا مرحب با ابو نشوان
ترحيبه خُماسيه صديقي صاحبي فخر
الأخاء رجال من قيسي علاقتنا صحب ما هي
علاقه دبلماسيه شربنا الطيب والمعروف
له كاسه ولي كاسي مثل ما نشرب القهوه
فالاقلاص النحاسيه سقىٰ الله يوم كان
الطيب متصبّح ومتمسّي معانا ندرسه داخل
مناهجنا الدراسيه ولا رحنا ولا جينا
فخمسك ماسكه خمسي ولا نعرف طوايف مارقه
واعلام فيسيه شعاري من شعارك صاحبي
عزي وناموسي ونرسم للوفاء والقبيله
خطّات خمسيه ولا قد تفرقه بين
القبيلي هو ويا الكبسي ولا نسمع بالاسماء
الداعشيه والمجوسيه وعد كانت لنا هيبة على
بن ناجي القوسي قبايل. قبل ما تأتي
قوانين انعكاسيه وما اليوم ايش عد با اقول
يا بخسك ويا بخسي توفّت بعدما كانت
حدائيه وعنسيه وكيف الحل وارباب
السياسه كل من هسّي لمه ذي يبتلوا
بالمجتمع بتله رواسيه كفىٰ وش عاد يا ناجي
من اوجاع الوطن بسّي قد انفاسي شرر يحويه
ضيقات احتابسيه حنينك شعب منهم ما يحن
الآلي الروسي لمه سرته ضحيه
للحروبات السياسيه تلاشت هيبتك ما عاد
ينفع زنطك الحيسي قدك مطعون من كف
الحكومات السداسيه وانا في نفسي اهمس
للذي با يفهمو همسي أشوف الحرب هذا فيه
شبهه والتباسيه لها اثنعشر سنه كنّه
مسلسل عنتر العبسي وذلحين أبتداء تنفيذ
الافلام الكلاسيه أنا المذبوح لكن ما
كفىٰ ذبحي ولا دحسي من المسؤول يا اصحاب
القرارات الرياسيه ............... بواسطة الشاعر ناجي نشوان
){kind=link}
0 تعليقات