قـال النصيـري لا افتخـرت الفخـرلـي
جواب على
قصيدة الزبيري شاعر من ابنا يافع الاماجد
………………
قـال النصيـري لا افتخـرت الفخـرلـي
في اعمـق التاريـخ يُضـرب بـي مثـل
من الحـدا ذي داسـت الربـع الخلـي
بالسّـك والجرمـل وبــاذلاق النـصـل
واصـل الحـدا تاريخهـا متسلسـلـي
بنـوا سبـاء وابنـاء حميـر ذي رحـل
سادة ملـوك الارض مـن عهـد اولـي
ولــم يــزل تاريخـهـا مـنـذ الازل
لـو الوعَـل فـيـه القٌـبُـل تتمثـلـي
تلقـى الحـدا متربعـه قـرن الـوعـل
والقبيـلـه لـوهـي جـمـل متعقـلـي
فهـي سنـام القبيلـه ذي فـي الجـمـل
هي ضاو نجم سهيل لـي بـه يشعلـي
هـي النيـازك والشهـب لاقــد افــل
ولـو لهـا فـي الجـو قُـدرَه تعتـلـي
لا احتلـت المريـخ واجتاحـت زُحــل
مـن الحـداء كــل القُـبـل تتميـلـي
ومن وقـف فـي صوبهـا جـاه الاجـل
جبـالـهـا متحـصـنـه مايسـهـلـي
لأي غـازي يكتـسـح منـهـا جـبـل
ومــن يفـكـر او فـقـط يتخـيـلـي
انـه تطـاء رجلـه بتربتـهـا انـدمـل
ياويـل مـن حــاول لـهـا يتسلـلـي
بـآ تآكلـه لنمـار قبـل إنــه يـصـل
سل عننـا فـي العصـر قبـل الجاهلـي
مَن لـي فتـح مكـه ومـن كسـر هُبَـل
مـن ذي نصـر ديـن النبـي المُرسلـي
محمـداً هـو خيـر مبـعـوث ارتـسـل
هـاذي الحـداء ذي اصلهـا متأصـلـي
ماهـي كمـا مـن فـي تواريخـه خلـل
امـا الزبيـري موتـره قــد هـرولـي
جـاء يطلـع الطلعـه وماعنـده دبــل
معتـوه واهبـل يحسـب الطلعـه دلــي
مافكـر انــه ربـمـا يـنـزل رُفــل
لا يـآخـذا الـعـبـره ولا يتمـهـلـي
ولارضـي يخـرج مـن اخمـاج الوحـل
أُخّيّـه بعـض الـنـاس ذي مايخجـلـي
ماشـي معـاه احسـاس او ذرة خـجـل
لـي منعكـم عـاد الزبـيـري ماحـلـي
خلونـي اطـرح طهمـتـي مــادام زل
باعطيـه ردي مـن سلـي منـي سلـي
ومـن زعـل يزعـل بكيفـه لـو زَعَـل
بسقيه مـن كـاس الصبـر والحنظلـي
والمر .. والعلقم .. معا حامض .. وخل
الجيـد طبعـه جيـد أمــا المفسـلـي
يبقـى كمـاهـو إن طـلـع والا نــزل
ابلانـي الله فـي شويـعـر مصمـلـي
كُل سـاع جـارد لـه صميلـي ياعمـل
احتـرت فـي امـر الزبيـري ياهـلـي
لاهآجسي (مُغْطَـه) ولا هـو لـه (تَفـل)
إن قلـت بـا اشوتـه وبارّكُـل بارجلـي
يردنـي أصلـي ولا ارضــى بالـزلـل
ون قمـت جاريتـه قلـب لـي صوملـي
وش بايسكـت صوملـي لاقــد هـفـل
قصـه غريبـه جـا بـهـا يسترسـلـي
وحطـنـي فيـهـا بسجـنـه معتـقـل
يـقـول جـانـي للـحـدا متشيـلـي
لشخصيـة عنتـر تقـمّـص وانتـحـل
وقـال شليتـه علـى مُـهـر احجـلـي
قـصـه خيالـيـه خُـرافـيـه نـقــل
والله وعشنـا لّـيّـنْ شفـنـا القُمـلـي
اصبح كمـا ذيـب العُـول يصنـع حيـل
لـو قـال بِنّـه فـي المـنـام اتخيـلـي
ركب بساط أشعـب وشـاف انّـه بطـل
معقول !!! او .. لو قال جـاء متسولـي
يبحـث علـى شربـه ولُقمـه تؤتـكـل
ماهـو كـذا يـانـاس جــا يتبهـذلـي
ولـو مـن الدنيـا زهـق روحـه ومَـل
شليت مـن ياللـي اساسـك ملـك لـي
عقلـك معـك والا مـن الـراس ارتحـل
هل !! قد سمعتوا ياعرب !! عن بُرغلـي
بنحا اليمـن ينهـب دجاجـه !! عالاقـل
او هل !! سمعتـوا بًرغلـي !! يتزوملـي
ولا تهامـي !! شـل بنـدق !! أو زمـل
كـلا ... وربـي ذا الخـبـر مايُعقـلـي
مُحاااال..ماضـن النمـر مثـل الحـمـل
احنـا الحـداء ذي مـن تحداهـا بُـلـي
بالـذات لا مكريبهـا الصَـىَ واشتـعـل
الصعـب يتذلـل لهـا يصـبـح دلــي
والطاغـيـه قُدامـهـا يهـنـع ... وذل
كـم مـن بطـل جاهـا وروح مرجـلـي
وكم وكـم عاصـي علـى يدهـا امتثـل
ماتطـلـب الـفـزعـه ولا تتـوسـلـي
مـن حـد معونـه او إغاثـه أو وسـل
ولا عتتنـازل ولــو لاحـمـد عـلـي
ولا لدولـه لـو حصـل مهمـا حـصـل
عـد كـل واحـد بنـدقـه ذي تغتـلـي
والنار مصلولـه بوسـط الـراس صـل
العقـل قالـوا مــال ياعـبـد الـولـي
ومن عـرف مقـدار نفسـه مـا هَمَـل
مانتـه بمثـلـي لا ولا جــدك غُـلـي
لو جيت ابيعك !! ماتجيب اربـع !! هَلَـل
اياً زبيري !! قلـت لـي وايـاً !! طلـي
انا النصيري !! فهمـوا عبـده !! ربـل
لو قلت انـا بالفعـل بسحـب واسحلـي
الفين مـن مثلـك كمـا سحـب السُحـل
مـن عُقـر دارك بـآخـذك واتحمـلـي
غصبا على مرأى ومسمـع مـن يصـل
ومـن يعـارض لا جــوارك يدخـلـي
بـآ اكبـل ايداتـه ولا وسـط الـشُـوَل
ماهمنـي دمـع الهلـي لــو يهمـلـي
يآ مآآآ ومـآآآ دمـع التماسيـح انهمـل
لـن ارحمـك لجلـه ولــن اتنـازلـي
لـو كـل مُقلـه تـذرف الدمعـه سيـل
ولـو يجـو لـك بالـف جنـي عوبلـي
يميـن مـابـا يرجـعـون إلا وُصَــل
حتـى ولـو جـا الصنبحـي والمشئلـي
والكـازمـي والمجربي..مـالـك مــزل
كـلا ... ولـو جـا الشافعـي والحنبلـي
واهـل المذاهـب كلهـا ماشـي أمــل
إلا..إذا جونـي وفـاء وإرضــاء لــي
بالفين دبابه حَكَم !! مـا اقبـل !! عَـدَل
فـي حينهـا بحكـم وعـاد الـراي لِـي
إن نفـذوا حُكمـي وجـو لـي بـه قَبَـل
با اقـول وآ نـا فـي شموخـي معتلـي
لجل الوجيـه الحاضـره عفـوي شَمَـل
ون عادهـا والله وربـي مــا اقبـلـي
إلا بذبـحـه طالـمـا إنّــه ماعـقـل
هـاذي الحقيـقـه والـذكـي يتأمـلـي
ردي وبدعـه ذي ورد فـي المُستَـهَـل
..........................................................................................................
0 تعليقات