قصيدة الشاعر / محمد علي ابن ادم

يا مرحبا ما لاح برق الغمر

جواب على قصيدة ولده المرسلة له من السعودية.....

...................

يا مرحبا ما لاح برق الغُمر

تالي عشي وانهل زابه

امسى يجر الارض مثل المجر

وكل عاطش قد سقى به

ترحيب جهم اهل الخدور الشعر

واهل المرادس والهضابه

ذي يذبحوا من مشعذات الشعر

وكل ما طالة ترابه

ترحيب غايب غاب علمه وقر

عشرين سنه مدة غيابه

انام وانه من على الباب صر

اقبل محمل في ركابه

اقبل على مركب محمل درر

ومُلك لا يحصى حسابه

وصرفه لسفرته والجور

والصحب كله والعصابه

بقول شاعر طفل عاده غجر

عاده بزغ عقله ونابه

عبد الرحيم الشاجع المشتهر

في صلح ولا في حرابه

ان كنت حاضر شرف المؤتمر

وان غاب باقوم بالنيابه

عبده ومصلح يا وعول القهر

حتى الماره والذيابه

ذي يسقوا العدوان نقع الحمر

والموت قطاع الرقابه

بلغ سلامي في البطن والظهر

بالصدق ما عندي كذابه

سلام ذي يملى العزب والحجر

شمه صدع في كل لابه

لعبده ومصلح مسرعين البدر

سلاح جنبي والسلابه

وبلغوا غيلان نجم الظفر

ما مثله الا بن ثوابه

غيلان مثل الذيب لا قد غدر

يا كل ولا الراعي درى به

ولا غزا ما حد لفي له بثر

مشهور فعله وانظرابه

لتخبروك فالوقت كله سبر

من عبس لا وادي سبابه

الحب مثل الطحل رؤس الحشر

وعادها دنت صرابه

شن المطر واصلح جميع الثمر

من ضاف لا وادي شوابه

وشرفين مثل الكلب لا قد هفر

تجوابه جملة كلابه

واحنا نلاقيهن بضرب القصر

وكل حد مدي وثابه

ما نلتهف منهن ولا حنا خفر

ولا جمل ياكل زهابه

والقات مثل القند رؤس الشجر

جالس مربي في شذابه

ما قد هدي منه صليط السفر

ولا معي منه لُبابه

وما قوتي الا البر ولا الصفر

يهل المخارف والنوابه

ولا جوابي جيد ولا فتر

فالبدع رواني جوابه

من سلف الجيد القضاء بالوفر

يهل السلف هذا القضاء به

يا عبده انت الروح وانت النظر

ولابرد الروح الدفابه

يا مصلح افعل في ثبانك حجر

يا سين يشتي كسر بابه

والختم صليت لسيد البشر

خصت محمد والصحابه

شفيعنا يوم اللقاء والحشر

في يوم ذي تشعل لهابه

...................................