مساء الخيرات يا من غاب زاد الصد والهجران
غزلية ..
.................
مساء الخيرات يا من غاب زاد الصد والهجران
ويا ملقيني اتعذب مع صده وهجرانه
ويامحرم عيوني نومها ماغمضت باجفان
وتاركني مع اشواقي على جمره ونيرانه
ترى زادت بي اللوعه وانا من غيبتك زعلان
اعاني لهفة اشواقي ونفسي دوم ولهانه
تردد من مواويلك وتعزف في هواك الحان
يغنيها وتر عودي وقلبي يسجع الحانه
وصدري يحتوي جمهور لوعاتك مع الاشجان
يشجع دان موالي وينظم حرف قيفانه
متيم بالهوى مبلي معذب خاطري ولهان
اناظر شوفت اللي مالكا قلبي وسجانه
وذي لجله غرامي قد نسج حبه من القيفان
درر وانشد بها طاري خفوقي ليل يادانه
حسين الطبع راقي ما رأت عيني كماه انسان
رفيع الذوق فاهم بالهوى رقمه وعنوانه
رشيق القد يتمايل بخصره مثل غصن البان
ومن شاهد جماله سبح الرحمن سبحانه
خلق وابدع وجمل صورته في وجهه الفتان
وزاد الحسن بالحناء ونقشه ذي على ابنانه
وريقه شهد خلاني بحبه دايما سكران
برشفه ذقتها واليوم نفسي فيه ولهانه
حوى في ثغره الباسم درر من غالي المرجان
ثنايا من نظرها ما يصدق نظرة اعيانه
كحيل الطرف ناعس يجذبك من وجهه الخجلان
وتعشق جعده المندوش فوق الكتف بأغصانه
كفى يانفس مابي من بعاد الاهل والخلان
فانا قد ذقت يانفسي عذاب الهجر بالوانه
...............
