تـلخـبط الـوضع من كل الـنواحي ارتـفـس
2 مارس 2015م ..
..................
تـلخـبط الـوضع من كل الـنواحي ارتـفـس
وتـناصـلت كل ابـوها من جـميع الـجـهـات
تـفـككـت من مـفاصـلها وراحـت نـتـس
وتـأجـجـت نـارها ما بـين بـعض الـفـئات
وطـن مُـمزّق بـويـلات الـحـروب افـتـحس
هـزيل مـعزول مُـنهك طـايـروا بـه شـتات
صـرحـه مُـمـرّد ولـكنـه بـجـن الـتـبس
وخـلـخلوا صـرحـه الـمبـني قـوي الـثبـات
طـرحـوه في وسـط حُـفره كل منـهم كـبس
لـوئـد روحـه وعـاده حـي قـبل الـمـمات
تـدمـير وارهـاب كُـلن للـمتارس تـرس
وضـرب بالـنار بـالـهاون وبـالـراجـمـات
وحـرب دارت رُحـاهـا لاجـل حُـفنه بـيـس
ايـضاً لأجـل الـمصالـح نـهبـوا الـباقـيات
كل الـجوانب بـتشـعل صُـبح ولا غـلـس
والـشعب يـخـسر وذي خـطط حُـثاله دُهـات
صـراع اثـاروه فـيران الـبلد والـبـسـس
شـعارهـم شـل مـنّه نـاولـه خُـذ وهـات
يُـرثى لـحـال الـوطن قـد هو بآخـر نـفس
والـكل مسئول في الـتدمير والانـفـلات
تـلـقّط الـخالص الـخالص مثيل الـبـلس
وصـادروا كل شي مـحصولنا والـنبات
قـد فـرّخ الـبط والـبيض الـمغشّى فـقس
وغُـربي الـويل عـشعش في سـما الـناطحات
وضـع الـبلد يـاجـماعه قد رجـع للأخـس
باعـوه شـله حـقيره بأبـخس الـمُـغريات
مـا حد بـحال الـوطن مـسكين فكّر وحـس
والـشعب نـائم على اذانـه وطـال الـسُبات
والـجيش قـد طـاح كـله وآخـرتـها الـحرس
حُـمى على الـجيش ذي قـد شـمّتوا بـه شمات
والأمـن مـتصدّع اركـانـه بـناه افـتـلس
ولا بـقي شي لـنا شُـرطه ولاشي حُـمـات
والـناس حـد سار فيها والـكثير الـتـحس
والـبعض منـهوب واتـهدّر دمـه كالـعُـصات
والـبعض مـقتول والآخر مـسجل طـحس
وقـمع للـناس والـتصدير للـحُريـات
ونـاس ضـائع وواحد مُـعتقل واحـتبـس
وبـعض الاشـخاص حـامت فـوقه الـحايمات
ونـاس من جـلدتـه بـل مـحتواه اخـتلـس
مع الـقـوي قـال يالله عـيننا بالـفُـتات
وامـواج تـضرب جـدار الـصمت حتى غـطس
والأغـلبيه بـيـمشوا جـنب حـيطه سُـكـات
الى مـتى يا جـهنـم ما كـفـاكـم وبـس
الـشعب مـا با يـسامـحكم ومـا فـات فـات
والـختم صـلوا على ذي مـاكـتب اودرس
صـلاة ربـي عـدد مايـقروا الـعاديات
...............
){kind=link}
0 تعليقات