حال الشاعر / احمد صالح الرقيمي

سلام يهل الوفاء والعُرف والقبيله

يناير 2016م.

...........

سلام يعتد ما شدو على القافله

من لسن وصال عد ايامكم والليالي

سلام يهل الوفاء والعُرف والقبيله

لا جاكم الضيف تدو كل حالي وغالي

سلام والقلب يقطر دم من داخله

وتدمع العين من هذا الفتن والقتالي

في القاع بندق ومدفع والسماء قنبله

ماعد يماني معه راحه ولا قلب سالي

ولا درينا عليش الناس متقاتله

وكل واحد على الثاني يقل ما نبالي

في ذنب الاصلاح والحوثيه الفاشله

وبيت الأحمر والاحمر والزعيم الجمالي

خمسه شياطين خلو نارها شاعله

ماعد جنوبي يطفيها ولا عد شمالي

وقسمونا طوايف خمس متسلسله

سني وشيعي حراكي داعشي وانفصالي

والقصد لاحد يقارب كرسي الديوله

إلا بحكمه يمانيه ودم الرجالي

والقتل منا وفينا كل حد يعقله

ضعنا وقد ضاع مستقبل عيال العيالي

والله ما ايد الحوثي ولا العايله

ولا الذي جاء من الخارج يدق الجبالي

لان انا وانت بين الظلم والبهذله

واحنا الضحيه لبو زعطان وأبو عقالي

والعفو لا حد زعل والله ما ازعله

بسحب كلامي وبتحمل ذنوبي لحالي

..........