قصيدة الشاعر / محمد حرمل (أبو لوزه)

مسكين ذي ما عرف حرمل ولا يدري

8 ابريل 2016م موجهة الى الشاعر مفتاح الاسرب المغدي.

...........

يقول أبو لوزه الليله خبر نشري

خصمي بكل الثقه با اشتت أفكاره

محال يوقف أمامي ذلك الوبري

لأن حرفي قوي أقوى من الناره

مفتاح با اطيره لا ساحل المهري

يا كم نصحته ولكن باح بأسراره

البارحه قال حرمل يلحق القمري

هذا خبر هو بدأ بثه وسطاره

مع رجاجيل منهم واب يا قهري

على الغوى كل واحد شب مزماره

مسكين ذي ما عرف حرمل ولا يدري

ولا عرف قوة التشكا ولا اعصاره

حرمل مهمين ومولى الخاتم السحري

يعطي لمن عانده حجمه و مقداره

من ضربتي كم وكم هارب وكم يجري

ينسى طريقه وينسى وين هو داره

اليوم مفتاح لازم يعتذر بدري

من قبل ما احاصره وا قص زناره

ناصر علي ضد حرمل قلت لك بدري

كم ناس راحت أمامي شبه منهاره

كتبت حرف الهجا بالسرد والنتثري

معروف رقمي انا دقيت مسماره

عارف مدى قوتي لا قد نويت أسري

راسي جبل انت راسك بس سناره

............

قصيدة الشاعر / مفتاح الاسرب المغدي

9 ابريل 2016 جواب على قصيدة الشاعر محمد حرمل.

............

في البلنتي دخلت المنتصف دغري

ما فاد صوت الحكم رايه وصفاره

كاشخ بثوب التحدي وانت متعري

تكفي هجوم ابن حرمل مننا غاره

عند اللزم والمهمه هاجسي فطري

تلعب بكل الحلايل ريشة اوتاره

لا لك ولا الف مثلك ينحني ظهري

ولا تدك المدافع كابة اضباره

من فاهت الفرخ يا اخشام العداء جري

وصرف غزلاف وقت الضرب جباره

ما هز راس الاسد في وقتها عري

الا الزمن ذي غدرنا يلعن أفكاره

امثال حرمل صراحه ما دخل فكري

مع دوي المربع يضرب الطاره

من هذا الاشكال لازم قتلهم بدري

لا يكثروا في صروح البدع واشعاره

قاموس الابداع والاوزان متبري

ولجنة الشعر جات اليوم دفاره

حلفت بالله لا بعنا ولا بشري

في مثل ها الناس لازم صح طعفاره

داخل بمجداف في شطي وفي بحري

وهو في الاصل جنب البحر قطاره

...........