بحق هذا الشهر بطلبكم طلب
19 يونيو 2016م.
...........
بحق هذا الشهر بطلبكم طلب
يامن سمع هذا الدعاء ردد
معه
الله يجازي كل من كان السبب
في قتل هذا الشعب وألا
جعجعه
ويهلكه مثل ابرهه وابو
لهب
ويجعله عبره لمن با يتبعه
ويحرقه بالنار في جمر الحطب
في يوم لا ينفع ولا حد
ينفعه
ومن سعى للحرب ما بين العرب
يارب من نار الحروب تجرعه
من اجل يحرق في حماها واللهب
ويذوق فيها كيف طعم الفاجعه
مرت سنه والدم لا فوق الركب
والحرب لا زالت بأرضي والعه
راحوا ضحية نارها كمن شنب
ولا سلم منها الرضيع والمرضعه
لها تدوم الشعب من اول
رجب
ولا وصلنا للحلول المقنعه
في ذمة اصحاب الفتاوي والخطب
ذي حرضوا للقتل كمن أمعه
فتوى تبرت منها كل الكتب
واستنكرت منها الأئمه الاربعه
لجل المصالح والمناصب والرتب
كلين كفر صاحبه في مرجعه
نسيوا بان الدين يدعو للصحب
وللأخوه بيننا والمنفعه
دين التسامح والتراحم والادب
ما هو كما تشتيه والا تدعه
كلا ولا هو بالشطاره مكتسب
او حق واحد كيف ما اشتى
شرّعه
والحكم ماهو بالقرابه والنسب
ولا وراثه مثل ارض المزرعه
الحكم هو لله مش من جاء
غلب
هو الذي يأتيه وهو من ينزعه
ومن قتل ما ينفعه اسم ولقب
كلا ولا ماله وجاهه ينفعه
فكل واحد با يشل نوبه حسب
ذنبه وكل انسان يحسب ما
معه
من قبل يحرق وسط نيران
الغضب
في يوم ما ينفع ولو عض
اصبعه
............
0 تعليقات