ما رأيكم لو قمت اسافر لندن
4 يوليو 2016م بدع.
...........
ما رأيكم لو قمت اسافر لندن
واسير اخزن في فرنسا ذلحين
واسمر مع القمري وسط واشنطن
وابات في مومباي ولا في الصين
الكيف عندي كيف مجنون ادرن
نسيت اسم العام من بعد الفين
احتار عقلي آح والخاطر
حن
من باطل الجيران ذي باع الدين
دلوني ايش الحل واش ذي يضمن
ان الطواير في بلادي يرزين
ولا بذلنا لقات ونسيب الفن
ونهد عرش المملكه في يومين
لي منعكم ردوا جوابي يا من
يقدر يصيغ الشعر جاوب ذلحين
.............
قصيدة الشاعر / علي محسن واصل
جواب على قصيدة الشاعر صفوان واصل.
.........
يا مرحبا ما يضربوا بالهاون
ما يعبر الاسكود جو البحرين
بك يا ولد فرحان مني يعلن
ابشر بعزك خذ جوابك في
حين
لا تشكلي من ضيق حالك ذي
آنّ
قد قلب اخوك احتار قرر
امرين
با ازور مكه واللقاء في
الاردن
وان قد مشيت اركب على الارجنتين
نفعل زياره نكتشف بن لادن
ذي شيد الارهاب واصلاحيين
والمملكه لابد ما تتقطرن
والحكم فيها با نصيغه شطرين
وكل نايم في التحالف يذهن
ان اليمن هي مقبره للغازين
.........
زودنا بالقصيدتين الشاعر علي محسن واصل
0 تعليقات