قصيدة الشاعر / محمد ناصر الغرسي

يا الله يا كافي ابن ادم وذي ترزقه

............

يا الله يا كافي ابن ادم وذي ترزقه

يا فاتح البوب تفتح بوبك المغلقه

عليك يا ذي حبالك والعرى واثقه

يا صاحب الجود جدلي بالوجود إغدقه

كلين رزقه ومرزوقه على خالقه

ورائد النهضه الفذ الفريق ارفقه

رمز الشرف والمعالي والوفاء والثقه

بحر الهناء حيث ما الموجات مدافقه

صقر اليمن طابع الناموس في مفرقه

يا فندم البارح الجاهم لمع بارقه

بعض الحقول ارغده بالسيل لاما اغرقه

وحقلنا فاتت الحله وهي مفرقه

والبرد هبر ورقها والجنا فلقه

ليالها حامضه وايامها محرقه

ما عاد به في مزارعنا عضه مورقه

ولكن العيد يا هماه كيف الحقه

قد بندقي في يدي وفي يده بندقه

كلين منا على الثاني يبا يحرقه

والعيد لا ما تركني والنبي لا اخنقه

ولا احبسه حبس لما حضرتك تطلقه

في وسط تابوت موسى واحكم الصندقه

واروح لا شاطي اليم الغريق انذقه

والامر لك اذبحه بالسيف والا اعتقه

ما با شي العيد لا غربه ولا مشرقه

لو جاء بكبشه وبالمصروف ما اصدقه

الله لا طول ايامه ولا وفقه

لا سرت نونه لحق لا بيت أبو محنقه

وان قلت يا عيد نتصالح عصر مشدقه

بيني وبينه خصومه بردقه بردقه

من قبل يسبق بغدره قد نويت اسبقه

واترك كباشه واخذ لي كبش أبو ملعقه

واوضاع الأعياد شباعه ومتبوقه

جعل للأعياد لا ما شي زلط صاعقه

ولازم اصبر ولو قد حالتي ضيقه

القرش ذي يسلي الصاحب وذي يحنقه

....

............

زودنا بالقصيدة الشاعر صالح العجي الاشبط