قصيدة الشاعر / صلاح محمد النميري

قالت ارجع قلت يكفيني نصايح لا تقولي

14 نوفمبر 2016م.

.............

قالت ارجع قلت يكفيني نصايح لا تقولي

قالت ارجع قلت ما هو عاده ارجع بالفساله

قالت ارجع قلت وأنتي من تسبب في دخولي

قالت ارجع قلت والله ما ارجع الا بالجماله

قالت انته وعدته ليش اخلفت ميعاد الوصولي

وانت قادر قلت لا الله يقطع ايام الكفاله

ارحمي حالي وقولي للجماعه يسمحوا لي

لا تقيسوا ظلمي الجاير مع حكم العداله

طال هجري والجفاء يا باسقات النخل طولي

وانشغل بالي على مخلوق وانا اشغلت باله

والله اني ما نويت بهجر حتى الي نووا لي

من يعاتبني وانا اقرب من يمينه لا شماله

كان تقدر تعتبرني مشكله وانته حلولي

واعتبرني ليل مظلم وانت شمسه او هلاله

وافرض انه جار حملي انت خفف من حمولي

وافرض اني ناوي اوصل شي انا ما اقدرت اناله

لا تحسبيني اجر الآه من باب الفضولي

ما يئن الا مخايل جو يصفا ما صفا له

قالت انت ارسلت مرسولك وانا برسل رسولي

وانت وضحت الرساله واستمع مني رساله

وايش عندك في ملز الخيل يا الشقرى الصهولي

غير ذكرى باقيه من شخص مدري وايش جرى له

لا خرجت انوح ما هو بقوتي ولا بحولي

لا تحسب صرختي قدام عذالي هباله

............