قصيدة الشاعر / ثابت عوض اليهري

قال المولعي بن عـوض ويـن الشّرعيـه وينهـا

..............

الله يـلـعـن البلـبـلـه ذي زرع الــبــلاء مـنّـهــا

ذي تخلـق المشكـلـه وانـتـه فــي غـنـى عنـهـا

قال المولعي بن عـوض ويـن الشّرعيـه وينهـا

تأخذ ذي لـهـا منـنـا ونأخذ ذي لـنــا مـنـهـا

ان هـــي مـنـنـا انـسـيـه تحـكـمـنـا بمـيـزانـهـا

وان هــي جـنّـيـه مـنـهـم تـبـعـد عـنـنـا جـنـهـا

لـلـقـانــون بـا نـحـتـكـم لـلـحـكـمـه وانـسـانـهــا

والحكـمـه اســاس اليـمـن والايـمــان أيمـانـهـا

أيــن الليـلـه الشّرعـيـه أيــن الـيـوم فرسـانـهـا

كِـنّ الشّرعيـه ضايعـه مـا حــد شــاف دخّانـهـا

ماشـي قـدّمـت أي شــي يثـبـت للـمـلأ حسنـهـا

حـيـث النّـيـه الطّـيّـبـه تُـقــرأ مـــن عناويـنـهـا

واجبـهـا تـكـن صـادقـه تحملـنـا عـلــى متـنـهـا

واحنـا مـن سهـوم العـدا واجبنـا نـكـن حصـنـها

تـوفـي كــلّ مــا واعــدت والتشـريـع برهانـهـا

نـفّـذ سلطـتـك يــا قـضــاء بالـقـطّـه وفيـرانـهـا

تعـمـل حــدّ للمـهـزلـه والـفـوضـى وسلطـانـهـا

تـفـرض امنـهـا بالبـلـد ذي ضـاقــت بسكّـانـهـا

أيـن الامـن ذي بالبلـد والمسـؤول عــن امنـهـا

أيـن الـحـر ذي لا وعَــدْ وعْــدْ الحـرّيـه دينـهـا

تأخذ حـذرهــا مـنـهـم ذي بيـعـقّـدوا قُـطـنـهـا

تحسبـهـم مـلـوكًـا وهـــم بـالـواقـع شياطيـنـهـا

مــا بـيـدي ومــا حيلـتـي لـومـا فتّـحـت عينـهـا

يهناكـم كلـوا يــا ســرق شـلّـوا مــن ملايينـهـا

شدّ العزم يـا صاحبـي مـت واحيـا علـى شانهـا

مت واحيـا علـى وحدتـك ليلـى وانـت مجنونهـا

هي روحي وانـا الـدّم ذي يجـري فـي شرايينهـا

تـحــت اقـدامـهـا جـنّـتـي واحـلامــي بخدّيـنـهـا

مهما الوقت عاكـس معـي والنعجـه كبـر قرنهـا

با احمـل قسوتـك يــا زمــن لـمّـا اقـودهـا بادنـهـا

ان قـالــوا دمقـراطـيـه بـا نـعـمـل بمضـمـونـهـا

وان قـالــوا لـنــا قـبـيـلـه وسّـعـنــا ديـاويـنـهـا

جاملهـم ونافـق لهـم واقتـل خـوك مــن بطنـهـا

واشرب من لبنها لبن واخصر سمن من سمنها

ان صنعـاء لنـا عاصـمـه يــروي دمّـنـا طينـهـا

وان كـانـت كنيـسـه لاحــدّ ما با نـعـبـد اوثـانـهـا

هـذا هـو نصيـب اليمـن كــان الله فــي عونـهـا

مـن زنزانـة الهاشمـي لا سجـن ابـن علوانـهـا

حـان اليـوم وقـت العـمـل يــا احـفـاد قحطانـهـا

قـودوا ارضكـم للرّخـاء يكفيـهـا مــن احزانـهـا

خـتـم القـافـيـه بالـنّـبـي يـــا سـامــع لقيفـانـهـا

صلّـوا كـلّ مـا رفـرفـه بـرقـه وارخــه امزانـهـا

.............