قال ابن مياس كلن يلتزم حده
بدع مرسلة عبر واحة الحدا الى الشاعر عبد
الكريم سعد داعر البخيتي بتاريخ 19 أغسطس 2017م.
.... .........
قال ابن مياس كلن يلتزم حده
الوقت زايل ونفس المرء اماره
لا تصحب الا منو باقي على عهده
فصاحب الجيد له عزه ومقداره
سنه وشهرين ادور صاحبي عبده
عبدالكريم ابن داعر ظلت اخباره
يامن لقي صاحبي ذي غاب له مده
يدي لي اخبار ونجا هويا انصاره
واحد يقلي قده مشرف على صعده
وناس شافوه يصنع عابر القاره
والبعض قالو صرف له بيت في حده
ما تعرفه لا لبس خوذه ونظاره
انا اعرف ابن البخيتي ما خلف وعده
قريب لاما نشوف اخباره الساره
وان الزمن غيره فيعود لا رشده
كم اهلك الكبر ياكم ناس جباره
اعطيته الرقم والتقصير من عنده
اقل شي با يسوي بس بيجاره
با يشتري كرت لا طرف على بنده
الوقت دوار والايام دواره
............
قصيدة الشاعر / عبد الكريم سعد داعر البخيتي
جواب على قصيدة الشاعر / أبو خطاب مياس.
............
يامرحبا عد ما الناهض قرح رعده
والسيل عقب وموسم خيروامطاره
بالصاحب الهيم ذي جاء هاجسه حده
قطف لنا من بستاتين الوفاء ازهاره
انا اعــرفه كفوء لا قبله ولا بعـده
رمـز الوفاء والكرم والجود معياره
انا احنج الجيد ابو خطاب واوده
وفالحشا قدر بن مياس واعـذاره
كفله نسي الوتس والفسبوك من جده
ما كنت ظني يصوب نحونا اعياره
حبل الصحب يارفيقي لا رخي شده
ولا نسيني صديقي لازم اخطاره
يا اعز صاحب ترى عبده علي عهده
بس الزمن جــار خلا الناس امّــاره
واكبر دليل قلت بن داعـر مع سيده
وكل واحــد يصنف له علي افكاره
لو ذي نصدق كلام الناس ما ارده
قالوا قدك عند هاشم حامل اسفاره
انا مع الشعب ضد اللي وقف ضده
وكل خــائن وغازي لازم اظهاره
قد المواطن تعب مسكين كم جهده
حصار فوضي وغاره قفي غــاره
هــذا اليمـــن يا رفيقي كلنا جنده
والصف واحد وكرسي الحكم دواره
هو حزبكم ذي ذرا يابي جعل غده
نثر ابـوها وفحـــط يطلب الجاره
علي العموم يا صديقي صاحبك كـوده
يحسب حساب السفر ويغادر ادياره
...............
0 تعليقات