قالوا بلاش العيد عيد العوافي
22 يونيو 2017م.
..............
قالوا بلاش العيد عيد العوافي
قلت العوافي عد لها اسلاف
واعراف
الكل يشتي حقه اليوم وافي
لو نتفوا جلدك من الهم
نتاف
يا عيد مالك عندنا جو صافي
ولو تغلفته بالالوان غلاف
كيف افتهن وارتاح ضاهر
وخافي
وانا شربت المر في موعدك
حاف
كنت اعرفك من قبل يا عيد
دافي
والجيب دافي ما يهم التكلاف
واليوم جيتاني ووضعي حرافي
كيف احتفل بك لا عداله
ولا انصاف
وفوق هذا عاد همي إضافي
لني مفارق والمفارق له
اوصاف
ضايق عبوس الوجه والنور
طافي
لا وافق احبابه ولا بالنظر
شاف
الله يا صبر السنين العجافي
لك نار تشعل بالحشا بين
الانجاف
لكن فرج ربي عن الكل كافي
ومن مسك في عروة الله ما خاف
............
0 تعليقات